Իրազեկում. Աշխատանքային օրենսգիրքը հատուկ ընդմիջումներ է նախատեսում +40 աստիճան-ից բարձր պայմաններում կատարվող աշխատանքի դեպքում

Անցնող օրերին հանրապետությունում գրանցվել է բարձր ջերմային ֆոն, հովտային գոտիներում ցերեկը ջերմաստիճանը հասել է 40 աստիճան տաքության և բարձր կարգի հրդեհավտանգ իրավիճակի: Օդի միջին օրական ջերմաստիճանն բարձր է նորմայից 5-6 աստիճանով:

Շոգից բողոքում են բոլորը, իսկ ԱԻՆ «Հիդրոմետ» ծառայության օդերևութաբանության կենտրոնի պետ Գագիկ Սուրենյանի ֆեյսբուքյան էջն այս օրերին ամենաշատ այցելություններն ունի: Սուրենյանն ինքն էլ բողոքում է շոգից ու ժամ առ ժամ տեղեկացնում, թե որքան է բարձրացրել ջերմաստիճանը: Երեկ, օրինակ, ժամը 16:30 դրությամբ Երևանում +40 աստիճան էր: Առավոտյան 9:00-ին Սուրենյանն արձանագրել էր +30 աստիճան՝ նշելով, որ նման բան առաջին անգամ է տեսնում:

«Ժամը 11:00 դրությամբ արդեն +34, տեսնենք ուրենք հասնելու: Ժամը 12:00 դրությամբ Երևանում +36 աստիճան է: Ժամը 14:00 դրությամբ Երևանում +38 աստիճան է: Ժամը 16:30 դրությամբ Երևանում +40 աստիճան է:»,- պատկերը ներկայացրել էր նա:

Armday.am-ը ուսումնասիրել է ՀՀ աշխատանքային օրենսգիրքը, որի 153-րդ հոդվածի 1-ին կետի համաձայն. հաշվի առնելով աշխատանքի պայմանները` աշխատանքային օրվա ընթացքում աշխատողներին կարող է տրամադրվել հանգստի համար լրացուցիչ ընդմիջում:

Հոդվածում նշված 3-րդ կետն էլ ներառում է ինֆորմացիա, որը, կարծես, հենց այս օրերի համար է. «Հատուկ ընդմիջումներ պետք է տրամադրվեն, եթե աշխատանքը կատարվում է պլյուս 40 աստիճան ցելսիուսից բարձր կամ մինուս 10 աստիճան ցելսիուսից ցածր օդի ջերմաստիճանային պայմաններում, ինչպես նաև ծանր ֆիզիկական կամ մտավոր և հուզական գերլարված բնույթ կրող կամ առողջության համար բացասական ներգործություն ունեցող վտանգավոր այլ պայմաններում»:

Նշվում է նաև, որ հատուկ ընդմիջումները ներառվում են աշխատաժամանակում, իսկ դրանց տրամադրման կարգը սահմանվում է ներքին կարգապահական կանոններով, աշխատանքի ժամանակացույցով, կոլեկտիվ կամ աշխատանքային պայմանագրերով:

Լրացուցիչ և հատուկ ընդմիջումների քանակը, տևողությունը և հանգստանալու տեղը նախատեսվում են կոլեկտիվ կամ աշխատանքային պայմանագրերով:

Նշենք, որ օդի ջերմաստիճանը հուլիսի 6-9-ը ընկած ժամանակահատվածում կնվազի 4-6