Դանակահարություն Նոր Նորքի 4-րդ զանգվածում. 40-ամյա Սասունն ի վիճակի չէ բացատրություն տալու

Հուլիսի 18-ին, ժամը 19.15-ին, հիվանդանոցից  ոստիկանության Նոր Նորքի բաժնում հաղորդում է ստացվել, որ «որովայնի եւ աջ ազդրի ծակած, արնահոսող վերքեր» ախտորոշմամբ  Երեւանի Հովհաննիսյան փողոցի թիվ 30/Ա շենքի բակից բուժօգնության է տեղափոխվել մոտ 36-38 տարեկան տղամարդ:

Ոստիկանության մամուլի ծառայությունից հայտնում են, որ մեկնած օպերատիվ խումբը պարզել է, որ նշված անձը 40-ամյա Սասուն Ա.-ն է:

Ըստ բժշկի տեղեկանքի` Սասուն Ա.-ն ի վիճակի չի եղել բացատրություն տալու:

Հուլիսի 19-ին ՀՀ քրեական օրենսգրքի 112 հոդվածի 1-ին մասի հատկանիշներով հարուցված  քրեական գործի շրջանակներում ոստիկանության Նոր Նորքի բաժնի ծառայողների  ձեռնարկած օպերատիվ-հետախուզական միջոցառումների շնորհիվ պարզվել է, որ Սասուն Ա.-ին մարմնական վնասվածքներ պատճառել է 55-ամյա Գագիկ Ե.-ն, ով հուլիսի 18-ին, ժամը 21.40-ին, իր բնակության վայրից բերման է ենթարկվել քննչական բաժին:

Գագիկ Ե.-ն ձերբակալված է:

Հանցագործության գործիք դանակն առգրավված է:

Կատարվում է նախաքննություն:

XX