Ամերիկյան «Ջորջ Բուշ» ավիակիրը ժամանել է Իսրայել
Header
ԱՄՆ ռազմածովային ուժերի «Ջորջ Բուշ» ավիակիրը ժամանել է Իսրայելի ափ՝ դառնալով 17 տարում այս տեսակի առաջին նավը հրեական պետության ջրերում: Այս մասին հայտնում է տեղական հեռուստատեսության Երկրորդ հեռուստաալիքը:
Նշվում է, որ ավիակիրը խարիսխ է գցել Հայֆա քաղաքի մոտ: Սպասվում է, որ այն այնտեղ կմնա 4 օր:
«Հսկայական «Ջորջ Բուշ» ավիակիրը, որն իր անվանումը ստացել է ԱՄՆ նախկին նախագահի պատվին, խարիսխ է գցել Հայֆայի ծովախորշում: Հազարավոր ամերիկացի զինծառայողների համար էքսկուրսիաներ կանցկացվեն Հայֆայում և Իսրայելի մյուս քաղաքներում», – հայտնել է հեռուստաալիքը:
«Սպասվում է, որ երկուշաբթի ավիակիր կայցելեն Իսրայելի վարչապետ Բենյամին Նեթանյահուն և պաշտպանության նախարար Ավիգդոր Լիբերմանը»,- նշում է հեռուստաալիքը:
Ավիակրում, որն արդեն երկու տարի մասնակցում է ԴԱԻՇ-ի դեմ գործողությանը, ավելի քան 5 700 մարդ կա, նաև մի քանի տասնյակ ինքնաթիռ և ուղղաթիռ:
1
2
3
4
5
1
2
3
4
2
3
5
