Ինչ է խորհուրդ տվել ու խոստացել Մովսես Հակոբյանը նորակոչիկներին
Հասարակություն
Հայաստանում այսօր՝ հուլիսի 1-ից մեկնարկել է 2017թ. ամառային զորակոչը։ Կենտրոնական հավաքակայանում գործընթացին այսօր հետևել է նաև Զինված ուժերի գլխավոր շտաբի պետ Մովսես Հակոբյանը:
Հակոբյանը լրագրողներին հայտնել է, որ այս տարի մի շարք նորամուծություններ են արվել:
«Որոշակի փոփոխություններ են արվել. կոշիկների որակն է բարձրացվել և ամբողջն արդեն կաշվից է պատրաստված: Արգելվում է այս տարվանից, որ նորակոչիկն իր հետ սնունդ մտցնի հավաքակայան, քանի որ նրանց սնունդը կազմակերպվում է այստեղ: Նորակոչիկները սննդից գոհ են, հետաքրքրվել եմ»,- մանրամասնել է Հակոբյանը:
Նա խորհուրդ տվեց բանակ գնացող երիտասարդներին լինել համարձակ, ուժեղ, պատրաստակամ ծառայելու. «Խոստացա նորակոչիկներին, որ իրենց կողքին եմ լինելու»:
Մովսես Հակոբյանը շրջել է հավաքակայանում, զրուցել նորակոչիկների և նրանց ծնողների հետ, հետաքրքրվել տրամադրվող սննդից, համազգեստից:
1
2
3
4
5
1
2
3
4
5
5
