Վիրաբույժները դեռահասի դեմքից հսկայական գոյացություն են հեռացրել (ֆոտո)

Հնդկաստանից 13-ամյա Մանիկանդանի դեմքից վիրաբույժները հեռացրել են թենիսի գնդակի չափով գոյացություն։ Մանիկանդանը տառապում էր էնցեֆալոցելեով՝ գանգուղեղային իջվածք, որը պարունակում է պատյաններ ու գլխուղեղի նյութ։

Հազվագյուտ հիվանդության պատճառով դեռահասի ուղեղի մի մասը «արտահոսում էր» նրա դեմքի «պարկի» մեջ։ Այդ գոյացությունը տղային խանգարում էր նորմալ տեսնել ու իր քաշով դեֆորմացնում էր դեմքը։ 

Արտասովոր արտաքինի պատճառով շուրջը բոլորը վախենում էին Մանիկանդանից ու դեռահասը ստիպված էր մեկուսացած ապրել։ Երեխայի ծնողները, որոնք աղքատության մեջ են ապրում, երկար ժամանակ չգիտեին, թե ինչպես օգնեն նրան։ Մի անգամ նրանք կառավարությունից օգնություն են խնդրել։ Նրանց լսել են ու այս շաբաթ տղային վերջապես վիրահատել են։

Վիրահատությունը, որը կատարել է 10 վիրաբույժներից կազմված թիմը Amrita Institute of Medical Sciences կենտրոնում, 11 ժամ է տեւել ու արդյունքում վիրաբույժները կարողացել են հեռացնել այդ սարսափելի գոյացությունը դեռահասի դեմքից։ Բժիշկ Սուբրամանիա Այերը, որը ղեկավարում է վիրաբույժների թիմը, նկատել է, որ վիրահատությունը շատ բարդ էր, տղայի դեմքի գոյացությունը շատ մեծ էր, այն տեղաշարժել էր դիմային ոսկորը։ Վիրաբույժները ստիպված են եղել բացել նրան գանգը, առանձնացնել ուղեղի «առողջ» մասը այն չգործող նյութից, որը «պարկի» մեջ էր։ Հետո մասնագետները փորձել են շտկել նրա աչքերի ու քթի դիրքն ու ձեւը։

Հիմա դեռահասը վերակագնվում է վիրահատությունից հետո, իսկ նրա ծնողները հույս ունեն, որ նա վերջապես կկարողանա դպրոց հաճախել ու ընկերներ ձեռք կբերի։