Վանաձորցի 7-ամյա Արենը երազում է քայլելու ու դպրոց գնալու մասին. Երեխային օգնություն է անհրաժեշտ

Վանաձորցի Արեն Բուդաղյանը տառապում է մանկական ուղեղային կաթված ու միզապարկի նեյրոգեն հիվանդությամբ: Հիվանդությունները երկարատեւ ու շարունակական բուժում են պահանջում: Երեք տարի առաջ տղան առաջին վիրատահատությունն է տարել: Մեկ ամիս անց, հուլիսի վերջին, բժիշկները երկրորդ վիրահատության հետ կապված եզրակացությունը կտան:

Տարիներ շարունակ տղան տարաբնույթ բուժման կուրսեր է անցել հանրապետության տարբեր

բուժկենտրոններում: Ընտանիքը առաջնեկի բուժման համար չի խնայել ոչինչ: Հիմա, սակայն, երբ ընտանիքը համալրվել է Արենի երկվորյակ եղբայրներով, ծնողները դժվարանում են հոգալ տղայի բուժման ծախսերը:

«Շատ աշխույժ, բարի, ժպտերես տղա է մեր Արենը: Ֆինանսական խնդիրներ չունենալու դեպքում մենք կարող ենք շատ լավ արդյունքների հասնել: Արենն արդեն նստում է, ձեռքից բռնած կարողանում է նաեւ կանգնել, խոսքը դարձել է ավելի հասկանալի»,- ասում է մայրը՝ Անուշը:

Ինքնուրույնություն ձեռք բերելու համար բժիշկները խորհուրդ են տվել ոչ միայն ակտիվորեն շարունակել ֆիզիոթերապեւտիկ ու լոգոպեդի բուժումերը, այլեւ ձեռք բերել համապատասխան աթոռակ՝ 130.000 եւ վազքուղի՝ 250.000 դրամ արժողությամբ:

7-ամյա Արենը հիմա միայն մի երազանք ունի. քայլել, որ սեպտեմբերից կարողանա հաճախել դպրոց:

Հուլիսին տղան հերթական մեկամսյա բուժման կուրսն է անցնելու Կոշի վերականգնողական կենտրոնում: 5-ամսական փոքրիկների հետ մնալու համար Անուշին անհրաժեշտ է հոգալ վարձով բնակարանի ու կեցության ծախսերը:

Բուժման ընթացքում տղային անհրաժեշտ է նաեւ «Դալֆազ» դեղամիջոցը, որը բավականին թանկ արժե, դժվարությամբ է ճարվում ու ընտանիքը միշտ չէ, որ կարողանում է գնել այն:

Բազմազավակ մայրիկը հույս ունի, որ արձագանքողներ կլինեն ու կօգնեն իրեն որդու բուժման հարցում:

Անուշի հեռախոսահամարն է 095018072, 098615162:

Անուշ Շմոյանի անվամբ բացվել է հաշվեհամար Ինեկոբանկի Վանաձոր մասնաճյուղում.

205025531075 7002-ՀՀ դրամով եւ ARCA Online - 5406 6100 0043 1861: