Թոռանը գրկելու համար խնամուն ծեծելու գործով առաջին նիստը հետաձգվեց. տուժողը չէր ներկայացել
Հասարակություն
Երեւանում թոռանը գրկելու համար խնամուն ծեծելու գործով այսօր՝ հունիսի 26-ին, նշանակված դատական առաջին նիստը հետաձգվեց:
Շենգավիթ վարչական շրջանի ընդհանուր իրավասության դատարանում ամբաստանյալ Աննա Մ.-ն հայտարարեց, որ հրաժարվել է հանրային պաշտպանից եւ խնդրեց որպես իր պաշտպան ներգրավվել Էդուարդ Աղաջանյանին: Պաշտպանի ներգրավվումից հետո վերջինս ժամանակ խնդրեց գործի նյութերին ծանոթանալու համար: Դատական նիստը հետաձգվեց եւ նշանակվեց հուլիսի 11-ին:
Նշենք, որ տուժող կողմն այսօր նիստին չէր ներկայացել:
Ըստ մեղադրանքի՝ 2017թ. մարտի 10-ին Աննա Մ.-ն իր թոռանը հայրական տատիկի գրկից վերցնելու հարցի շուրջ վիճաբանել է նրա հետ: Վիճաբանության ժամանակ Աննա Մ.-ն երկու ձեռքերի բռունցքներով հարվածներ է հասցրել նրա գլխին և ձեռքերին:
Կնոջը մեղադրանք է առաջադրվել Քրեական օրենսգրքի 117-րդ հոդվածի հատկանիշներով: Խափանման միջոց է ընտրվել ստորագրություն չհեռանալու մասին:
1
2
3
4
5
1
2
3
4
5
5
