Հոսանքը չկարողացան թանկացնել, հիմա էլ անցան ակցիզային խաղերի

««Ակցիզային հարկի մասին» ՀՀ օրենքում լրացումներ եւ փոփոխություններ կատարելու մասին օրենքի նախագիծը Հունիսի 19-ին ԱԺ-ն ընդունեց առաջին ընթերցմամբ՝ «կողմ»՝ 56, «դեմ»՝ 38, «ձեռնպահ»՝ 2 ձայների հարաբերակցությամբ: Նախագծում նշված է, որ այն ուժի մեջ է մտնելու 2016թ, նախագծով նախատեսվում է 10%-ով բարձրացնել ակցիզային հարկով հարկման ենթակա մի շարք ապրանքատեսակների ակցիզային հարկի դրույքաչափը: Խոսքը առաջին հերթին ծխախոտի եւ օղու արտադրության համար սահմանված ակցիազային հարկի դրույքաչափի մասին է:»

Դե էն որ ՀՀ ոչ մի կառավարություն բացի մեզ կթելուց, ուրիշ բանի մասին չի մտածել՝ նորություն չէ։ Նորություն չէ նաև էն, որ ԱԺ-ում ծվարած անողնաշար մեծամասնությունը, որը ՀՀԿ է կոչվում, կքվեարկի հոգուտ ամեն բանի, ինչ իրանց ասեն ու անհնար է նույնիսկ ամենախայտառակ օրինագծերի տապալում ակնկալել՝ ԱԺ քվեարկության արդյունքում, եթե մեր խրոխտ նժդեհիստ-մանդատակիրներին ցուցում է տրվել անցկացնել այդ օրենքը։ Բայց ո՞նց կարելի ա էս աստիճան ամբարտավան, ապաշնորհ ու նագլի լինել, որ հերթական սոցիալական խոշոր ցնցումը դեռ չմարսաց ձեռնամուխ լինել մյուսը հրահրելուն։

Լսեք, ես արդեն 2-3 տարվա կտրվածքով ստիպված եմ եղել ավելացնելու իմ ծխախոտի վրա հատկացվող ծախսերը մոտ 50 տոկոսով։ Ասենք լավ, ալկոհոլը լինի ձեզ փեշքեշ, նենց չի որ էնքան ենք խմում, որ խիստ խփի գրպաններիս, արա բայց գազի ակցիզավորումը ո՞րս ա։ Էս դանդուռները հասկանո՞ւմ են, որ հենց դա արեցին, գազալցակայանները տեղում թանկացնելու են գազը, իսկ հենց գազը թանկանա, կրկին վայնասուն են բարձրացնելու գծատերերը ու պահանջելու են թանկացնել հասարակական տրանսպորտը։ Ու որպես հետևանք այս ամենի, էլի մարդիկ դուրս են գալու փողոց, բայց էս անգամ ավելի շատ ու ավելի նադայել եղած։ Չի կարելի էդքան ուղտ լինել՝ պետական կառավարում իրականացնելիս։

Թե ուզում եք բյուջե լցնել՝ ձեր կուսակիցներին ու ախպորտիքին բերեք հարկային դաշտ, թող նորմալ հարկերը մուծեն ու էդ ժամանակ 9 չէ՝ 90 միլիարդ դրամ էլ կկարողանաք հավելյալ ներգրավեք։ Զզվացրեցիք արդեն, տո՛ ...