Լուիզա Ղամբարյանի «սեւ , դառը շոկոլադե» 40-ամյակը
Life
Bravo.am-ը գրում է .
Լուիզա Ղամբարյանը երեկ դարձել է 40 տարեկան: Հոբելյանական օրը դերասանուհին անցկացրել է հարազատ Դրամատիկական թատրոնում՝ Արամոյի հետ խաղալով «Սեւ, դառը շոկոլադ» ներկայացման մեջ, որի ավարտին ռեժիսոր Սուրեն Շահվերդյանը եւ սցենարի հեղինակ, երգչուհի Էմմա Պետրոսյանը տորթով հայտնվել են բեմում եւ շնորհավորել նրան: Իսկ երեկոյի հետաքրքիր դրվագները լուսանկարել է BRAVO.am-ը:
«Սեւ, դառը շոկոլադ» ներկայացմանը
«Ենթադրում էի, որ ընկերներս նման բան կանեն, բայց չէի պատկերացնում, որ այդքան կհուզվեմ: Իհարկե, հուզմունքը հանդիսատեսի ծափերի շնորհիվ էր, ինչն, իսկապես, իմ ամենամեծ նվերն է»,-մեզ հետ զրույցում նշել է նա եւ հավելել. «40-ամյակը չնշելը սնահավատություն է: Երեւի ինչ-որ մեկի հետ որեւէ դեպք է տեղի ունեցել, ինչից հետո մարդիկ մտածել են, որ վատ նշան է: Բայց ստացվեց այնպես, որ այս տարի չկարողացա բազմամարդ խնջույք անել. ներկայացում ունեի, իսկ դա նշանակում է՝ ամբողջ օրը պետք է ստեղծագործական տրամադրություն ունենալ»:
Պարզվում է՝ բեմական տարեդարձեր Լուիզան հաճախ է ունեցել.«Չեմ հաշվել՝ քանիսը, բայց հետաքրքիր է, որ քառասունս զուգահեռվեց կին-տղամարդ փոխհարաբերությունների մասին պատմող ներկայացմամբ, որտեղ հասուն, ապրած, խաղաղված, երջանկության գինը ձեռք բերած կնոջ կերպարում եմ»:
1
2
3
4
5
1
2
3
4
5
3
