Ի՞նչ կարելի է ընդօրինակել Ռուսաստանից եւ ինչ՝ ոչ

Գայանե Հովսեփյանը ֆեյսբուքյան իր էջում գրում է.

Ժողովրդավարական արժեքների ՀԵՂԱՓՈԽՈՒԹՅԱՆ կողմնակից եմ, բայց՝ չէի ուզենա, ոչ դա տեղի ունենա բռնի ճանապարհով կամ «մայդաններով»:Նաեւ չէի ուզենա, որ դրանից հետո իշխանության գլուխ կանգնեն  ուլտրանացիոնալիստները կամ թունդ ազգայնականները, ռուսաֆոբիայով տառապողները կամ՝ ռուսամոլներն ու Կրեմլի «հաճկատարները»:

Հայաստանն ընտրել է ժողովրդավարության ուղին, որ, ցավոք, լի է խորդուբորդներով ու ճանապարհին հայտնված քարերով, որ նետում են հակաժողովրդավարական ուժերը, որոնցից , ցավոք, այսօր լիքն են իշխանական համակարգում կամ ՏԻՄ ու պետական ապարատում, ինչպես նաեւ՝ համացանցում:Օրերս այցելեցի ռուսաֆոբիայով համակված մի օգտատիրոջ / որ , ամենայն հավանականությամբ՝ «ֆեյք» էր / էջ, որպեսզի պարզեմ, թե ո՞վ է այդ օգտատերը, որ մի մեկնաբանության տակ մակագրել է՝ «Ուրեմն ֆաշիստական Ռուսաստանը ստալինիզմից լա՞վ է»:

Պարզվեց, որ այդ օգտատիրոջ էջին եւ ոչ մի հայերեն հոդված կամ մեկնաբանություն չկար անգամ անգլիատառ հայերենով:Պարզապես՝ երեւի թե անկապ ռուսաֆոբիա ունի՝ միգուցե  «դրսի» ուժերի պատվերով, իսկ հայամետությունից էլ կիլոմետրերով է հեռու:Եվ ինչի՞ նման է, երբ այս կարգի օգտատերերի ռուսատյացությունն այնտեղ է հասնում, որ պահանջում են Հայաստանում դադարեցնել ռուսաստանյան հեռուստաալիքների հեռարձակումը...կամ՝ պահանջողներին «լայքում» են:Իսկ ռուսաստանյան հեռուստաալիքները մի շատ դրական հատկություն ունեն. չեն կեղծում ռուսաստանյան իրականությունը, իրենց երկրում առկա բացասականը չեն քողարկում եւ ուրիշինը նշավակում...

Հաճախ օրվա լուրերը հենց իրենց բացասական կամ քննադատական լուրերով էլ սկսում են ռուսաստանյան ալիքները...Հենց ռուսաստանյան հեռուստաալիքներից ենք տեղեկանում, որ Ռուսաստանում առկա են մոլագարության բազմաթիվ դրսեւորումներ, որոնց հիման վրա էլ սերիալներ են նկարահանվում կամ գրքեր տպագրվում, տեղեկանում ենք տարեց թոշակառուների հանդեպ դաժանության աննախադեպ դրսեւորումների , տարրական հարգանքի բացակայության ու նրանց կողոպտելու կամ անգամ՝ այդ նպատակով դաժանորեն սպանելու, մեծ չափերի հասնող թմրամոլության, իրավապահ մարմինների կոռումպացվածության ու կրիմինալ հովանավորելու, անգամ՝ ֆաշիստական ու հակակովկասյան դրսեւորումների մասին...

Սրանից էլ լավ միջո՞ց՝ հայաստանյան արտագաղթը կանխելու եւ ցույց տալու համար, թե ինչ է այսօր տեղի ունենում Ռուսաստանում. սկսած՝ ռեկետությունից, վերջացրած՝ կողոպուտով ու սպանություններով, երբ անգամ անչափահասը կարող է փողոցում դաժան ծեծի ենթարկել տարեցներին...Հենց ռուսաստանյան հեռուստաալիքներից ենք տեղեկանում, որ անգամ մարդակերության դեպքեր են եղել ծայրամասային Ռուսաստանում / ինչը մինչ այդ բնորոշ է եղել աֆրիկյան ցեղերին՝ քաղաքակրթությունից կիլոմետրերով հեռու /...Միգուցե մարդակերության ժամանակակից դրսւորումները 30-ականների բռնաճնշումների ու աքսորի հետեւանքնե՞ր են, որոնք մարդկային հոգեկերտվածքի մեջ  ավերիչ ազդեցություն են թողել:Ընդհանրապես ՝ ռուսաֆոբիան կամ ֆաշիզմը, ուլտրանացիոնալիզմը ոչ մի լավ բանի չեն հանգեցնի, ինչին ականատես ենք Ուկրաինայում:

Ռուսաֆոբիան հասել է այնտեղ, որ համաձայն են անգամ, որ իր երկրից արտաքսված ու մինչ օրս քաղաքական սպանությունների մեջ կասկածվող վրացին Ուկրաինայում նահանգապետ դառնա, բայց ռուսների հանդեպ ինչ-որ անբացատրելի ատելություն կա, երբ որ ռուսն ու ուկրաինացին նույն սլավոնական արմատներից են սերվում:Եվրոպային քննադատում են այլասերված բարքերի համար, բայց ներկայիս Ռուսաստանում լավ էլ «հարգի» են արեւմտյան բացասական արժեքները. բավական է միայն դիտարկել նոր էլիտար ռուսների կյանքն ու կենցաղը, եւ դրանում կարելի է համոզվել:Ասվածի ապացույցը նաեւ տղամարդ մերկապարողների առկայությունն է ու տղամարդկանց ստրիպ-ակումբների անթաքույց գործունեությունը...Հետո էլ փորձոմ են համոզել, թե Ռուսաստանը հակաարեւմտամետ է...