Սննդամթերքներ` մազերի և եղունգների արագ աճի համար

Մեզ դպրոցում սովորեցնում են գրել, հաշվել, ֆիզիկա և աստղագիտություն, սակայն այն ամենը, ինչ վերաբերում է գեղեցկությանը և խնամքին, մնում է որպես տնային հանձնարարություն ամբողջ կյանքի համար:

Կանայք և աղջիկները փոխանակվում են տատիկների բաղադրատոմսերով, նորաձև ամսագրերի խորհուրդներով, ուշադրություն են դարձնում գիտնականների կարծիքներին, ովքեր մի օր կհայտնագործեն հավերժական գեղեցկության և երիտասարդության պատվաստանյութ:

1. Սաղմոն

Այս համեղ ձուկը պարունակում է վիտամին D, սպիտակուց և օմեգա-3 ճարպային թթուներ, որոնք օգնում են ամրացնել եղունգները, կանխում են նրանց դյուրաբեկությունը և շերտավորումը, ամրացնում են մազերը, ինչի շնորհիվ մազերը դառնում են խիտ և սկսում են արագ աճել:

Եթե սաղմոն հազվադեպ եք օգտագործում, ապա այն կարող եք փոխարինել ծովատառեխով, իշխանով կամ սկումբրիայով:

2. Ընկույզ

Ընկույզը հարուստ է օմեգա-3 ճարպային թթուներով, ինչպես նաև պարունակում է օրգանիզմի համար անչափ օգտակար բիոտին և վիտամին E:

Այս բաղադրիչներն արդյունավետ կերպով պայքարում են մազաթափության դեմ, ամրացնում են ատամները, մազերը դարձնում են խիտ և ամուր, արագացնում են դրանց աճը:

Ընկույզի փոխարեն կարելի է օգտագործել դդումի սերմեր և ավոկադո:

3. Շիճուկային պրոտեին

Եթե մազերը և եղունգները սպիտակուցի պակաս ունեն, ապա դրանք դառնում են անփայլ և փխրուն:

Իրավիճակը շտկելու համար`խմեք շիճուկ: Այս համեղ, մի փոքր թթու ըմպելիքը անարդարացիորեն է համարվում երկրորդական մթերք պանրի և կաթնաշոռի պատրաստման ժամանակ:

Իրականում, շիճուկը ոչ միայն ամրացնում է ատամները, մազերը և եղունգները, այլ նաև օգնում է վերահսկել ախորժակը այն մարդկանց, ովքեր տառապում են ավելորդ քաշից:

4. Ոսպ

Ոսպը պարունակում է օգտակար վիտամինների և միկրոէլեմենտների մի ամբողջ պաշար: Այնպիսի կարևոր սննդարար նյութեր, ինչպիսիք են`երկաթը, ցինկը, սպիտակուցը և բիոտինը խթանում են մազերի աճը, դրանք ուժ և բնական փայլ են հաղորդում, մազերը դառնում են ավելի ամուր և խիտ, իսկ եղունգները`ամուր և առողջ:

5. Սպանախ

Սպանախը պարունակում է մազերի և եղունգների համար այնպիսի օգտակար նյութեր, ինչպիսիք են բետա-կարոտինը, ֆոլիային թթուն և վիտամին C-ն:

Այս միկրոէլէմենտներն օգնում են պահպանել մազերի ֆոլիկուլները, արագացնում են մազերի աճը`դարձնելով դրանք ավելի խիտ և առողջ:

6. Քաղցր կարտոֆիլ

Այն պարունակում է մեծ քանակությամբ բետա-կարոտին կամ վիտամին A: Եթե մարդիկ ունեն այս միկրոէլէմենտի պակաս, ապա նրանց սկսում է անհանգստացնել թեփը, գլխամաշկի քորը, մազերը սկսում են թափվել, իսկ եղունգները`շերտավորվել:

Պարզապես քաղցր կարտոֆիլի փոքր չափաբաժինը կարող է բարելավել իրավիճակը և պաշտպանել առողջական խնդիրներից:

Բնական գեղեցկության համար պետք չէ ծախսել միլիոններ և դիմել պլաստիկ վիրաբույժի:

Այն ամենը, ինչ Ձեզ հարկավոր է`ճիշտ և հավասարակշռված սնունդ: