Կուրսանտի սպանության գործով նիստը կրկին չկայացավ
Հասարակություն
Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի սպանության գործով դատական նիստն այսօր՝ մայիսի 5-ին, կրկին հետաձգվել է: NEWS.am-ին սպանված կուրսանտի հայրը՝ Արկադի Բարսեղյանը, տեղեկացրեց, որ դատական նիստը հետաձգվել է փաստաբաններից մեկի բացակայության պատճառով:
Հայկազ Բարսեղյանի սպանության համար մեղադրվում են նրա համակուրսեցիները` կուրսանտներ Գնել Թեւոսյանը, Նորիկ Սահակյանը, Վաչե Սահակյանը եւ Մովսես Ազարյանը։ Ըստ մեղադրանքի՝ նրանք 2015թ. հունվարի 29-ին՝ ժամը 02:00-ից 03:00-ի սահմանում, զորամասի ննջարանում դաժանությամբ սպանել են կուրսանտ Հայկազ Բարսեղյանին, ապա հետքերը թաքցնելու նպատակով կախել նրա մարմինը մարզահրապարակում գտնվող պտտաձողից, նրա անունից գրություն թողել, թե իբր ինքնասպան է եղել: Ամբաստանյալներն իրենց մեղավոր չեն ճանաչում:
1
2
3
4
5
1
2
3
4
5
2
3
4
