Խանդոտ կինը պատվիրել է թոշակառուի սպանությունը
Ուշադրության կենտրոնում
ՌԴ Մերձմոսկովյան Մոժայսկա շրջանի բնակիչը, ամուսնու նկատմամբ խանդից դրդված, պատվիրել է մեկ այլ կնոջ սպանությունը, փոխանցում է «ՌԻԱ Նովոստի»-ն։
Ոստիկանության տեղեկություններով՝ ամուսնուն դավաճանության մեջ կասկածող կինը 100 հազար ռուբլով մարդասպան է վարձել՝ հանձնարարելով նրան սպանել 60-ամյա կնոջը։
«Տեղի բնակիչներից մեկը ոստիկանություն էր զանգահարել եւ հայտնել, որ իր 44-ամյա հարեւանուհին մարդասպան է փնտրում։ Ինչպես պարզվել է տեղեկությունը ստուգելիս, նրա զոհը պիտի դառնար 60-ամյա մի կին, որը մտերիմ հարաբերությունների մեջ էր գտնվում նրա ամուսնու հետ»,- ասել է ոստիկանության ներկայացուցիչը։
Նրա խոսքով՝ կինը որեւէ պահանջներ չի դրել մարդասպանի առջեւ, միայն պահանջել է սպանությունից հետո կնոջ մահը հաստատելու համար ներկայացնել նրա անձնական իրերը։
«Մարդասպանի դերում հանդես եկող ոստիկանության աշխատակիցը կնոջը ներկայացրել է իբր թե «սպանված» քաղաքացուհու փաստաթղթերն ու բջջային հեռախոսը, որից հետո ստացել է պարգեւատրումը։ Դրանից հետո կնոջը ձերբակալել են»,- ասել է ոստկանության ներկայացուցիչը։
1
2
3
4
5
1
2
3
5
1
2
3
4
5
