Քիմ Քարդաշյանը՝ ալկոհոլի, թմրանյութերի, հոր, Քանյե Ուեսթի մասին (տեսանյութ)

Քիմ Քարդաշյանը մասնակցել է Watch What Happens Live with Andy Cohen շոուին, որտեղ, ինչպես վստահեցնում է հենց Էնդի Կոհենը, Քիմը պատասխանել է բացառապես բոլոր հարցերին, որոնք նրա հետ նախապես չէին քննարկվել:

 Հաղորդավարի հարցին, թե ինչպե՞ս է Հոլիվուդում ապրող և շոու բիզնեսի աստղ համարվող Քարդաշյանների գերդաստանին հաջողվում խուսափել ալկոհոլից ու թմրանյութերից:

«Դրանում հորս ներդրումը կա: Երբ ես 14 տարեկան էի, նա ինձ սովորեցրեց մեքենա վարել: Այն ժամանակ բջջայիններ չկային, և ես Քորթնիին ու Քլոեին տանում էի երեկույթների և միշտ նրանց հետ էի, հետևում էի նրանց, որովհետև այդ պատասխանատվությունը դրված էր ինձ վրա: Հորս ազդեցությունը և այն, որ նա ինձ սովորեցրել է պատասխանատու լինել, հիմնական պատճառն է, որը մեզ թույլ չի տվել ներքաշվել մութ գործերում: Քլոեն ինչ-որ ժամանակ խմում էր, բայց արագ հրաժարվեց: Իսկ թմրանյութերով երբեք չենք տարվել»,-պատասխանել է Քիմը:

Հնչել է հարց նաև Փերիս Հիլթոնի հետ հարաբերությունների մասին,  ում հետ Քիմը կապերը խզել էր վեց տարի առաջ: «Փերիսի հետ մենք հաշտվել ենք: Հիմա ես նրա հետ շփվում եմ»,- ասել է  Քիմը:

Հարցին, թե ինչպե՞ս է Քանյեն վերաբերվում Քիմի հրապարակային լինելուն, նա անկեղծորեն պատասխանել է. «Քանյեն հրապարակայնություն չի սիրում: Այո՛, նա ստիպված է ներկայանալ հանրությանն այն պատճառով, որ հայտնի է և որ այդպիսի կարիերա է ստեղծել, նա ստիպված է տուրք տալ հանրությանը: Բայց դա նրան դուր չի գալիս, նա ներփակված է, իսկ ես՝ հակառակը, շատ բաց եմ և ինձ միշտ գրավել է հանրությանը ներկայանալու հանգամանքը: Սրանք երկու ծայրահեղություն են, բայց վերջին իրադարձությունները (Քիմը նկատի է ունեցել Փարիզում իրեն կողոպտելու դեպքը - խմբ.) փոքր-ինչ փոխեցին մեր դիրքորոշումները: Այն ժամանակ ես պարփակվեցի, իսկ Քանյեն սկսեց դրսևորվել մեդիադաշտում: Մենք շատ էինք խոսում, ես ոչ մի հրապարակային դրսևորում չէի ցանկանում, աստիճանաբար մենք գտանք ոսկե միջինը, նա դարձավ ավելի բաց, ես՝ մի քիչ ավելի զուսպ»: