Լեւոն Մկրտչյանը ներկա է գտնվել Երեւանի թիվ 54 դպրոցի Վերջին զանգի արարողությանը (ֆոտո)
Ուշադրության կենտրոնում
ՀՀ կրթության եւ գիտության նախարարի պաշտոնակատար Լեւոն Մկրտչյանն այսօր՝ մայիսի 26-ին, մասնակցել է Երեւանի թիվ 54 դպրոցի Վերջին զանգի արարողությանը: Իր շնորհավորական խոսքում Լեւոն Մկրտչյանը նշեց, որ այսօր ավարտող երիտասարդները կյանք են մտնում պետության համար վճռական եւ դեռեւս հարցականներ ունեցող փուլում:
«Որպես եկող նոր սերնդի, մենք ձեզ փոխանցում ենք անկախ պետություն եւ ազատագրված Արցախ: Մեր ազգային կենսագործունեության նկատմամբ հպարտության զգացում, որը դուք պետք է վերցնեք ու տանեք առաջ: Ամենակարեւորն այն է, որ վստահ լինեք՝ սա ձեր երկիրն է ու պատասխանատու լինեք դրա համար: Ուր էլ լինեք, դուք պետք է դա գիտակցեք»,-ասաց Լեւոն Մկրտչյանը:
Նախարարի պաշտոնակատարը նշեց, որ պատահական չէ, որ այսօր ընտրել են մայրաքաղաքի ավանդական թաղամասի ավանդական դպրոց, նրա խոսքով, փողոցում ու դպրոցում ստացվող կրթությունը որոշում է յուրաքանչյուր շրջանավարտի ապագան եւ ուր էլ նրանք լինեն, այս միջավայրը երբեք չեն մոռանա:
Թիվ 54 դպրոցում այս տարի ավարտում է 97 աշակերտ: Լեւոն Մկրտչյանի շնորհավորանքից հետո նրանք աղավնիներ եւ փուչիկներ բաց թողեցին երկինք, որից հետո դպրոցի դահլիճում տեղի ունեցավ ավարտական միջոցառումը:
Նշենք, որ այստեղ էր նաեւ Շիրակի նախկին մարզպետ, ՀՀԿ-ական պատգամավոր Ֆելիքս Ցոլակյանը, որի թոռը սովորում է այս դպրոցում: Լեւոն Մկրտչյանին դպրոցի բակում դիմավորելուց հետո նա հեռացավ:
1
2
3
4
5
1
2
3
4
5
2
3
4
