Արծվիկ Մինասյան. «Ակնկալիքներս Սահմանադրական դատարանից ավելին էին»
Panorama.am-ը գրում է.
«Սահմանադրական դատարանը հետ նահանջ է արձանագրել: Մենք գոհ չենք Սահմանադրական դատարանի կայացրած որոշումից»,-«Մեդիա կենտրոնում» «ՍԴ որոշում. կուտակային կենսաթոշակների որոշ դրույթներ հակասահմանադրական են. պարզաբանումներ, դիտարկումներ, գնահատականներ» թեմայով քննարկման ժամանակ ասաց «Դեմ եմ» քաղաքացիական նախաձեռնության անդամ Մանե Թանդիլյանը:
Հիշեցնենք, որ Հայաստանի Սահմանադրական դատարանը, ՀՀ Ազգային ժողովի պատգամավորների դիմումի հիման վրա, հուլիսի 7-ին քննության էր առել ՀՀ Ազգային ժողովի կողմից ընդունված «Կուտակային կենսաթոշակների մասին» ՀՀ օրենքում փոփոխություն կատարելու մասին ՀՀ օրենքի և կից օրենքների, ինչպես նաև դրանց հետ համակարգային կապի մեջ գտնվող «Եկամտային հարկի մասին» ՀՀ օրենքի 6-րդ և 10-րդ հոդվածների` ՀՀ Սահմանադրությանը համապատասխանության հարցը որոշելու վերաբերյալ գործը: ՍԴ-ն սահմանադրությանը հակասող է ճանաչել Կուտակային կենսաթոշակների մասին օրենքի որոշ դրույթներ:
«Դեմ եմ» քաղաքացիական նախաձեռնության անդամ Դավիթ Խաժակյանի խոսքով, Սահմանադրական դատարանը չի իրացրել իրեն ընձեռված լիազորությունները, գործը համակողմանի չի դիտարկել: Նրանք նշեցին, որ իրենք պատրաստ են շարունակել պայքարը միջազգային ատյանում:
«Պատրաստ ենք դիմել ՄԻԵԴ, բայց պետք է լինի այն անձնաց համաձայնությունը, ում վրա տարածվում է օրենքը: Մենք պատրաստ ենք հասնելու մինչև վերջին ատյան՝ ապացուցելու, որ մենք ճիշտ ենք, մեր իրավունքը չի կարելի ոտնահարել մեր սեփական երկրում»,- նշեց Մանե Թանդիլյան:
Նրա խոսքով, հանրության պահանջը բավարարելու համար պետք է գտնել ճանապարհներ, ելքեր, անհրաժեշտ է համախմբում: Նա ընդգծեց, որ այսօրվա դրությամբ Հայաստանի իրականությանը հետևյալն է՝ «առանց հանրային ճնշման հնարավոր չէ որևէ արդյունքի հասնել»:
Ամբողջական հոդվածը կարող եք կարդալ այստեղ
1
2
3
4
5
3
4
5
2
3
4
5
