ԼՂՀ ՊԲ-ն հայտարարել է, որ կխոցի ադրբեջանական օդային թիրախները սահմանը խախտելու դեպքում

Կոնստանտին Տեր-Նակալյանը ֆեյսբուքյան իր էջում գրում է .

Ու մինչ մենք առանձնապես չհասկանալով, թե ինչի շոււրջ, բայց բուռն բանավիճում ենք սահամանադրական հերթական բարեփոխումների շուրջ ու տարակուսում ենք, թե ինչպես Բաղրամյանի 1-ը՝ 2 դառավ ու ինչու է դա վատ, սահմանին վիճակը գնալով տաքանում է։

Տաքանում է, բայց դեռ չի թեժանում։ Այսօր էլ Ադրբեջանի օդուժն է սկսել շփման գծի անմիջական հարևանությամբ ուսումնամարտական թռչքներ ու դատելով ՊԲ-ի հայտարարությունից, այդ թռիչքները բավականին մոտ են (10-15 միլոմետր խորության վրա, ինչը ռեակտիվ ավիացիայի համար նշանակում է մի քանի րոպեում հաղթահարվող տարածություն է)։ ՊԲ-ն մասնավորապես հայտարարել է, որ մեր ՀՕՊ-ը կոչնչացնի ցանկացած օդային թիրախ, եթե այդ թիրախը հատի սահմանը։

Պետք չէ սակայն տրվել տարատեսակ շահարկումներին ու առավել ևս իմ գրածին վերաբերվել ասես ինչ որ մի աննախադեպ բանի։ Ուսումնամարտական թռիչքներ, այդ թվում նաև սահմանին շատ մոտ, լինում են ու լինում են հաճախ։ ՊԲ-ի հայտարարությունն էլ ավելի շուտ պրոֆիլակտիկ բնույթ է կրում, անպես որ այս առանձին դրվագը դեռ դարակազմիկ ոչ մի բան չի ներկայացնում իրենից, սակայն պետք է արաձանագրել, որ Բաքվի խաղերի ավարտից անմիջաօես հետո, նման մանր-մունր միջադեպերը կրկին ստանում են պարբերական բնույթ ու եթե արմատական ինչ որ փոփոխություն չգրանցվի դինամիկայում, ապա կարծում եմ, որ մինչև ամսվա վերջ պետք է ակնկալել նոր խոշոր տուրուդմփոց շփման գծում, բայց կրկին անգամ, չեմ կարծում, որ աառայժմ կողմերից ինչ որ մեկը վճռականություն ունենա լայնամասշտաբ գորշողություններ սանձարձակելու վերաբերյալ։

Մոտ ապագայում տեսականորեն հավանական ամենալուրջ զարգացումը թերևս կլինի այն, որ բացի ականանետներից, մոտ ապագայում մեծ հավանականությամբ կսկսվի կիրառվել նաև փողային հրետանի, բայց խիստ չափավոր «դոզաներով»։