Լոռու մարզում գայլերը հարձակվել են անասնագոմի վրա. գյուղացիներն անհանգստացած են (ֆոտո)
Հասարակություն
Լոռու մարզի Ստեփանավանի տարածաշրջանի Շագարդի հանդամասում գտնվող անասնագոմի վրա այս գիշեր գայլերի ոհմակ է հարձակվել, որի հետեւանքով ավելի քան 200 անասուն կորել է: Գյուղացիները NEWS.am-ի թղթակցին պատմել են, որ խուճապի մատնված մոտ 400 անասուններից 200-ը, ջարդելով անասնագոմի դարպասները, փախել են տարբեր ուղղություններով, որի հետեւանքով հորթերից մեկն անասունների ոտքերի տակ ընկնելով՝ սատկել է։
Վաղ առավոտից իրենց անասուններին փնտրող անասնատերերին վերջապես հաջողվել է գտնել կենդանիներին: Այդ հանդամասում անասուններին պահ տված Ուրասարի, Կաթնաղբյուրի ու կից համայնքների գյուղացիներն անհանգիստ են, որ գայլերի հարձակումները կարող են կրկնվել։ Նրանցից ոմանք մտադիր են անասուններին հանդամասից տեղափոխել գյուղի գոմեր։
Հիշեցնենք, որ այսօրվա ընթացքում սա գայլերի՝ անասունների վրա հարձակման հարձակման երկրորդ դեպքն է. Գեղարքունիքի մարզի Լանջաղբյուր գյուղում այս գիշեր գայլերը մտել են անասնագոմ եւ հոշոտել 17 գառ ու ոչխար եւ վիրավորել 30-ից ավելի ոչխարներ:
1
2
3
4
5
1
2
3
4
5
2
3
4
