Հիմա Սահմանադրության մասին մի քանի բան ասեմ ու անցնեմ առաջ՝ սպասելով մասնագետների վերջնական գնահատականին ու հանրաքվեին

Էդգար Խաչատրյանը ֆեյսբուքյան իր էջում գրում է .

Հիմա Սահմանադրության մասին մի քանի բան ասեմ ու անցնեմ առաջ՝ սպասելով մասնագետների վերջնական գնահատականին ու հանրաքվեին:

Երկար տարիներ ընդդիմությունը պայքարում է, որ ընտրությունները համամասնական լինեն և բացառեն մեծամասնական ընտրակարգը: Հայեցակարգերի մեջ այդ կետը հստակ գրված է՝ լինելու են 101 պատգամավորներ համամասնական ցուցակով ընտրված: Ո՞րն է այստեղ բողքը մանրամասնեք, եթե ուղղակի բողոքում եք բողոքելու համար, այդպես ընդդիմություն չեն դառնում:

Նույն ընդդիմությունը ցանկանում էր, որ նախագահի լիազորությունները կրճատվեն:Հայեցակարգով նախագահի լիզաորությունները նմանվում են Անգլիայի թագուհու լիազորություններին՝ կա, բայց ոչինչ չի որոշում սկզբունքով, թե հիմա 7 տարի կպաշտոնավարի, թե 17 դա էական չի: Սակայն նախկին փորձը ցույց է տալիս, որ մեր նախագահները 2 անգամ են ընտրվում ու դա իրար հետ գումարած 10 տարի պաշտոնավարուման ժամկետ է կազմում, տվյալ պարագայում 1 անգամ կարող է պաշտոնավարել 7 տարի ժամկետով : Ստացվում է, որ կրճատվում է 3 տարով պաշտոնավարման ժամկետը:

Թերևս շահարկումների ու քննարկումների տեղիք են տալիս այս երկու կետերը, որոնց ես անրադարձա զուտ քաղաքական տեսանկյունից, իսկ մասնագիտական վերլուծությունը կթողնեմ սահմանադրագետ իրավաբաններին:

Հ.Գ. Սահմանադրությունը քեզ թույլ է տալիս հանրաքվեի ժամանակ կատարել այն ընտրությունը, որը ցանկանում ես: Տվյալ դեպքում եթե կողմ ես ԱՅՈ տարբերակն ես ընտրում, եթե դեմ ես՝ ՈՉ:

Հ.Գ.Գ. սահմանադրագետ դառնալու համար մարդիկ երկար տարիներ սովորում են: