Պռոշյանում տղամարդուն երկու շաբաթ անց գտել են անկողնում մահացած
Հասարակություն
Կոտայքի մարզի Պռոշյան գյուղում հայտնաբերվել է 58-ամյա տղամարդու դին իր տանը՝ ամբողջությամբ արյան մեջ, նախաբազուկները՝ կտրած: Այս մասին այսօր՝ մայիսի 20-ին, NEWS.am-ը տեղեկացավ գյուղապետ Արթուր Մուրադյանից: Նա նշեց, որ մահացած հայտնաբերված տղամարդը տանը բնակվել է միայնակ, նրա նախկին կինն ու միակ որդին բնակվել են առանձին:
«Նախնական վարկածով ինքնասպանություն է գործել: Տղամարդն ինքնասպանություն է գործել՝ կտրելով երակները: Նախկին կինը, չկարողանալով բացել տան դուռը, հարեւանների հետ կոտրել է դուռը եւ նախկին ամուսնուն հայտնաբերել անկողնու մեջ՝ մահացած»,-ասաց նա:
Ըստ դատաբժշիկների՝ տղամարդը մահացել է մոտ երկու շաբաթ առաջ:
1
2
3
4
5
1
2
3
4
5
2
3
4
