ՌԴ-ն քրդերին հնարավոր դաշնակիցներ է համարում Սիրիայում եւ Իրաքում ԻՊ-ի դեմ պայքարում. ԱԳՆ
Header
Ռուսաստանը Սիրիայում եւ Իրաքում քրդական զինված խմբավորումներին միջազգային ահաբեկչական խմբավորումների դեմ պայքարում հնարավոր դաշնակիցներ է համարում: RNS-ի փոխանցմամբ` այս մասին հայտարարել է ՌԴ ԱԳ նախարարի տեղակալ Միխայիլ Բոգդանովը:
«Մենք բարձրագույն մակարդակով վաղուց ենք խոսում այն մասին, որ մենք կողմ ենք ահաբեկիչների դեմ պայքարում լայն միջազգային ճակատ ստեղծելուն, բոլորը պետք է համախմբեն հնարավորությունները, ջանքերը: Նախեւառաջ խոսքը նրանց մասին է, որոնք ցամաքի վրա են գտնվում: Ցամաքի վրա գտնվում է սիրիական բանակը, իրաքյան բանակը: Քանի որ «Իսլամական պետությունը» մեծ տարածքներ է զբաղեցրել Սիրիայում եւ Իրաքում, այստեղ պետք է գործել երկու կողմից` Սիրիայի եւ Իրաքի: Քրդերը լուրջ ուժեր են ներկայացնում` տեղի բնակչության եւ փեշմերգաների (քրդական զինված խմբավորումներ Իրաքյան Քուրդստանում), ինչպես նաեւ ինքնապաշտպանության զինված ջոկատների տեսքով: Այդ պատճառվ էլ ,մենք, իհարկե, կողմ ենք, որ քրդերը մասնակցեն մեր ջանքերին», - ասել է Բոգդանովը Կազանում, KazanSummit-ի ընթացքում:
1
2
3
4
5
1
2
3
4
2
3
5
