Նեպալում աճում Է նոր երկրաշարժի զոհերի ու տուժածների թիվը

Մայիսի 12-ի առավոտյան Նեպալում տեղի ունեցած 7,3 մագնիտուդով նոր երկրաշարժի զոհերի թիվը հասել Է 26-ի, տեղեկացնում Է ԻԱՆՍ լրատվական գործակալությունը:
Եվս 19 զոհվածների մարմիններ հայտնաբերվել են Դոլակհա օկրուգում: Ավելի վաղ Նեպալի ոստիկանության պաշտոնական ներկայացուցիչ Քամալ Սինգհ Բանը ՏԱՍՍ-ին հայտնել Էր, որ «տեղեկատվություն ունի երկրի կենտրոնական մասին Սինդհուպալչոկ շրջանում եւ մայրաքաղաք Կատմանդուում յոթ զոհվածների մասին»: «Եվս շուրջ 150 մարդ տուժել Է»,- հավելել Է նա:

Իր հերթին, Արտակարգ իրավիճակների ազգային կենտրոնը հաղորդել Է 335 տուժածների մասին: «Ըստ մեր տվյալների՝ զոհվել Է 16, տուժել 335 մարդ»,- նշվում Է Twitter միկրոբլոգների կայքում Կենտրոնի պաշտոնական Էջում:

Ցնցումներն զգացվել են նաեւ Հնդկաստանում, որտեղ իրենց աշխատանքը դադարեցրել են մայրաքաղաք Նյու Դելիի եւ Կալկաթայի մետրոպոլիտենները: Press Trust լրատվական գործակալությունը հաղորդել Է Բիհար արեւելյան նահանգում 10 զոհվածների մասին, որտեղ մի քանի շենք Է փլվել:

Հնդկաստանի օդերեւութաբանական դեպարտամենտը առաջին ցնցումից հետո գրանցել Է նվազ ինտենսիվության եւս առնվազն վեց հետցնցում: Դրանց մագնիտուդը կազմել Է 4,2-ից մինչեւ 6,2:

ԱՄՆ-ի Երկրաբանական ծառայությունն իր կայքում նշել Է, որ Նեպալում նոր երկրաշարժի մագնիտուդը կազմել Է 7,4: Ստորգետնյա ցնցումները գրանցվել են UTC ժամանակով ժամը 07:05-ին (Երեւանի ժամանակով ժամը 11.05-ին): Երկրաշարժի Էպիկենտրոնը գտնվում Էր մայրաքաղաք Կատմանդուից 83 կիլոմետր արեւելք ընկած շրջանում, օջախը՝ 18,5 կմ խորության վրա:

Ապրիլի 25-ին Նեպալում տեղի ունեցած ավերիչ երկրաշարժի զոհ Է դարձել ավելի քան 8 հազար մարդ, տուժել են եւս շուրջ 18 հազար բնակիչներ: Ավերվել Է ավելի քան 300 հազար շենք, վնասված շենքերի թիվն անցնում Է 254 հազարից: