Աթանեսյանի գրասենյակի հարձակման դեպքով հարուցված քրգործերը կքննվեն 1 վարույթում. ստացվել են փորձաքննության արդյունքները
Հասարակություն
Փաստաբան Տիգրան Աթանեսյանի գրասենյակի վրա Փաստաբանների պալատի աշխատակիցների կողմից հարձակման վերաբերյալ հարուցված երկու քրեական գործերը քննվելու են մեկ վարույթում:
NEWS.am-ին Քննչական կոմիտեի նախագահի խորհրդական Սոնա Տռուզյանը հայտնեց, որ արդեն ստացվել են դատաբժշկական փորձաքննության եզրակացությունները: Այլ մանրամասներ այս պահին չեն հաղորդվում:
Նշենք, որ Քննչական կոմիտեում երկու քրգործ է հարուցվել Քր.Օր.-ի 118 հոդվածի (Ծեծ) հատկանիշներով։ Մի գործը հարուցվել է Տիգրան Աթանեսյանի եւ Արմեն Սողոմոնյանի դիմումի հիման վրա, մյուսը՝ նույն հոդվածով, գրասենյակի վրա հարձակված փաստաբանների դիմումի հիման վրա։ Ինչպես ավելի վաղ հայտնել էր NEWS.am-ը, ապրիլի 27-ին Տիգրան Աթանեսյանի գրասենյակում Փաստաբանական դպրոցի տնօրեն Սիմոն Բաբայանը, ՓՊ նախագահի խորհրդականներ Վրեժ Խաչիկյանը, Գեւորգ Մկրտչյանը եւ փաստաբան Արսեն Հարությունյանը հարձակում էին գործել Տիգրան Աթանեսյանի եւ Արմեն Սողոմոնյանի դեմ։ Հարձակման հետեւանքով Աթանեսյանն ու Սողոմոնյանը մարմնական վնասվածքներ էին ստացել ։
1
2
3
4
5
1
2
3
4
5
2
3
4
