Ժաննա Ֆրիսկեի ամուսինը սիրուհի ունի

Style.news.am-ը գրում է.

Երգչուհի Ժաննա Ֆրիսկեի մահվանից հետո նրա անվան շուրջ խոսակցությունները չեն դադարում: Հերթական թոք շոուի ժամանակ Ժաննայի հայրը հայտարարեց, որ իր դստեր վրա փորձարկումներ են արել, իսկ Ժաննայի ընկերուհիներից մեկն ասաց, որ Դմիտրի Շեպելևը սիրուհի ունի:

Երգչուհու հայրը հայտարարեց, որ Ժաննայի` «իբրև ճագարի վրա թույն էին փորձարկում» և Ժաննայի մահվան մեջ մեղադրեց նրա ամուսնուն` Դմիտրի Շեպելևին:

Ինչպես նշեց Վլադիմիր Բորիսովիչը, հենց Շեպելևն էր բժշկական փորձարկումների նախաձեռնողը. «Մեր բժիշկները հրաժարվեցին բուժումից, համարելով, որ Ժաննան անհույս վիճակում է և այդ ժամանակ Դիման գտավ այդ փորձնական պատվաստանյութը»:

Նա նաև պատմեց, որ Դմիտրին հազվադեպ էր այցելության գալիս կնոջը, անընդհատ ուղղելով ինքն իրեն. «…ոչ թե ընդհանրապես չեր այցելում, այլ հազվադեպ էր հայտնվում», «…մենք իսկզբանե որոշել էինք, որ բուժման ընթացքով զբաղվելու է մեկ անձ և ընտրությունը վստահեցինք Դիմային»:

Այս ամենը հանգեցրեց նրան, որ մամուլում սկսեցին վատաբանել կամ Ֆրիսկեի հորը, իբրև դստեր մահվան վրա փիառ է անում, կամ Շեպելևին` կնոջ նկատմամբ ցինիկ վերաբերմունքի համար: Թոք շոուի երկրորդ թողարկման ժամանակ ընտանեկան սկանդալն է՛լ ավելի թեժացավ. հաղորդմանը ներկայացավ ընտանիքի ընկերուհիներից մեկը, որը հայտարարեց, որ Շեպելևը սիրուհի ունի:

Հրավիրված փորձագետներն աստիճանաբար ագրեսիվացան` իրար վիրավորանքներ հասցնելով և մեկը մյուսին մեղադրելով, այնուհետև սկսեցին կռվել, հայտնում է «Комсомольская правда»-ն: