ՌԴ-ում գինու ակցիզի թանկացումը Հայաստանին չի վերաբերի. Գինեգործ
Հասարակություն
Ռուսաստանում գինու ակցիզի թանկացումը Հայաստանին չի վերաբերի: Այս մասին մայիսի 13-ին Տնտեսական լրագրողների ակումբում մամուլի ասուլիսի ժամանակ հայտարարել է «Արմենիա վայն» ընկերության վաճառքի տնօրեն Նաիրի Չագլասյանը:
Ռուսաստանն ակցիզը բարձրացնում է ոչ թե բոլոր գինիների, այլ միայն ծագման վայրի պաշտպանված անվանումներով ապրանքանիշերի վրա:
Համաձայն մայիսի 5-ին ՌԴ Ֆիննախի հրամանի` նման գինիները դուրս կգան էժան ակցիզի ազդեցությունից: Այս տարի այն մեկ լիտրի դիմաց արժե հինգ ռուբլի, սովորականը ակցիզը`18:
«Մեզ համար ինչպես կար`18, այնպես էլ կմնա: Հասկանալի է, որ Ռուսաստանը ցանկանում է պաշտպանել շուկան գինու տեղական ապրանքանիշերի համար` Ղրիմից, Ստավրոպոլից եւ այլն: Բայց այսպես թե այնպես աշխարհագրական ապրանքանիշեր մեզ եւս պետք են: Դա կօգնի հայկական գինին առավել գրավիչ դարձնել արտասահմանյան գնորդների համար, որոնք գինու մեջ գնահատում են հենց նրա մշակութային ֆոնը, այդ թվում ծագումը` որպես նախանշան», - հստակեցրել է նա:
Դրան ի պատասխան ՀՀ գյուղնախարարության ագրոարդյունաբերության զարգացման վարչության ղեկավար Գեւորգ Ղազարյանը նշել է, որ օրենսդրությունում այս հնարավորությունն արդեն արձանագրված է: Որպեսզի այն սկսի գործել, պետք է ըստ շրջաննրի տեսակավորել գինի, որպեսզի դրանց համար հայտերը հնարավոր լինի հիմնավորել փաստերով:
1
2
3
4
5
1
2
3
4
5
2
3
4
