Գազալցակայանում եղել է վիճաբանություն. ոստիկանությունը՝ Վարդան Ղուկասյանի որդու մասնակցությամբ դեպքի մասին
Հասարակություն
Գյումրիի գազալցակայաններից մեկում մայիսի 10-ին տեղի է ունեցել վիճաբանություն: Այս մասին NEWS.am-ին հայտնեցին ոստիկանությունից՝ անդրադառնալով Գյումրիի նախկին քաղաքապետ, նորընտիր պատգամավոր Վարդան Ղուկասյանի որդու՝ Սպարտակ Ղուկասյանի մասնակցությամբ դաժան ծեծի մասին լուրերին:
Նշենք, որ ըստ «Ժողովուրդ» թերթի տեղեկությունների՝ վիճաբանության մասնակիցներից է Գյումրիի նախկին քաղաքապետ, նորընտիր պատգամավոր Վարդան Ղուկասյանի որդին, որը մտնելով գազալցակայան ծեծի է ենթարկել այնտեղի աշխատակիցներին եւ ծանր մարմնական վնասվածք հասցրել «Գազպրոմ Արմենիայի» Շիրակի մասնաճյուղի փոխտնօրեն Աղասի Ջանոյանի քրոջ որդուն. վնասվել է նրա աչքը եւ այժմ կուրանալու վտանգի առջեւ է:
NEWS.am-ին ոստիկանությունից տեղեկացրին, որ ոստիկանության Մուշի բաժնում մայիսի 10-ին նման բովանդակությամբ ահազանգ ստացվել է, այս պահին այդ տեղեկությունները ստուգվում են:
Մեզ հետ զրույցում, սակայն, Վարդան Ղուկասյանն իր որդու՝ Սպրատակ Ղուկասյանի, մասնակցությամբ վիճաբանության մասին լուրերը որակեց հորինված եւ չցանկացավ մեկնաբանել: «Նման բան չկա, այ մարդ, չեմ ուզում պատասխանել, հերթական դիտավորությունն է, այդ հիմարություններին չենք հավատում, չեմ էլ ուզում մեկնաբանել»:
1
2
3
4
5
1
2
3
4
5
2
3
4
