Կապանում բռնաբարության փորձի մեջ մեղադրվող բժշկի գործն ուղարկվել է դատարան. նա կալանավորված է
18-ամյա աղջկա նկատմամբ հիվանդանոցում բռնաբարության փորձ կատարելու մեջ մեղադրվող Կապանի բժշկական կենտրոնի բժիշկի գործով նախաքննությունն ավարտվել է, գործն ուղարկվել է դատարան: NEWS.am-ը Դատական տեղեկատվական համակարգից տեղեկանում է, որ գործը գտնվում է Սյունիքի մարզի ընդհանուր իրավասության դատարանում:
Ըստ մեղադրանքի՝ 2017 թվականի հունվարի 17-ի լույս 18-ի գիշերը Անուշավան Կարապետյանը ոգելից խմիչք օգտագործած վիճակում Կապանի ԲԿ ՓԲԸ ընկերության վերակենդանացման բաժանմունքում բուժվող աղջկա կամքին հակառակ բժիշկների սենյակում փորձել է սեռական հարաբերություն ունենալ նրա հետ:
Աղջիկը դիմադրել է` հրել, կծել է նրա ձեռքերը, բաժակով ջուրը լցրել է նրա վրա, ինչի հետեւանքով բժիշկը իր հանցավոր մտադրությունը իր կամքից անկախ հանգամանքներում ավարտին չի հասցրել:
Անուշավան Կարապետյանին մեղադրանք է առաջադրվել ՀՀ ՔՕ 34-138-րդ հոդվածի 2-րդ մասի 8-րդ կետով՝ Բռնաբարության փորձ:
Անուշավան Կարապետյանը կալանավորված է:
1
2
3
4
5
2
3
5
2
3
4
5
