Ռուս-թուրքական շահերի համընկնելու դեպքում Հայաստանին կստիպեն տարածքներ զիջել. պատմաբան
Header
Ռուս-թուրքական շահերի համընկնումից միշտ տուժում է հայ ժողովուրդը: Այս մասին այսօր՝ ապրիլի 21-ին, լրագրողների հետ հանդիպման ժամանակ ասել է պատմաբան Գեւորգ Յազիչյանը:
Նրա խոսքով` այդ շահերը կարող են համընկնել Ադրբեջանի` ԵՏՄ եւ ՀԱՊԿ մտնելու հարցում, նավթի հարցում: «Եթե «Թուրքական հոսք»-ը կյանքի կոչվի, Ռուսաստանը Թուրքիայից ավելի մեծ սպասումներ կունենա: Իսկ մենք Ռուսաստանին տալու ոչինչ չունենք: Նրանք մեզ արդեն հաշվի չեն առնում, մենք նրանց համար գործոն չենք», -նշել է Յազիչյանը:
Պատմաբանը նշել է, որ ամեն անգամ, երբ Ռուսաստանի եւ Թուրքայի շահերը համընկնում են, թեկուզ ժամանակավոր, տուժում է հայ ժողովուրդը: «Առաջին հերթին արցախյան հարցում մեզ կստիպեն տարածքներ զիջել: Դրա փոխարեն Ռուսաստանը հավանաբար ինչ-որ բան կստանա Ադրբեջանից, օրինակ` այդ երկրի մուտքը Եվրասիական տնտեսական միություն», - հավելել է Գեւորգ Յազիչյանը:
1
2
3
4
5
1
2
3
4
2
3
5
