Մոսկվան պարզում է Սիրիայի սահմաններին` ԱՄՆ-ի ռազմական տեխնիկա տեղակայելու հետ կապված իրադրությունը. Լավրով
Header
Մոսկվան պարզում է Սիրիայի հարավային սահմաններին` ԱՄՆ-ի ռազմական տեխնիկա տեղակայելու հետ կապված իրադրությունը: Այս մասին հաղորդում է «Ինտերֆաքս»-ը վկայակոչելով ՌԴ ԱԳՆ ղեկավար Սերգեյ Լավրովին:
«Մենք տեսանք այդ հաղորդագրություններն ու փորձեցինք պարզել, թե ինչի մասին է խոսքը: Մեզ ոչ պաշտոնապես հասկացրեցին, որ խոսքն, իբր թե ԻՊ-ի` Սիրիայի եւ Իրաքի հետ հաղորդակցության գիծը կտրելու մասին է», - ասել է Լավրովը` Սիրիայի եւ Իրանի ԱԳՆ ղեկավարների հետ Մոսկվայում մամուլի ասուլիսի ընթացքում:
«Մենք կշարունակենք այդ հարցով զբաղվել, քանի որ ահաբեկչության դեմ պայքարը միակ բանն է, որ պետք է տեղի ունենա Սիրիայի տարածքում` զինված ուժ կիրառելու տեսանկյունից», - նշել է Լավրովը:
Իր կողմից, Սիրիայի ԱԳՆ ղեկավար Վալիդ Մուալեմը հայտարարել է, որ այդ հարցը քննարկվել է եռակողմ բանակցությունների ընթացքում:
«Մենք ընդհանուր մեխանիզմներ ունենք ընդդեմ ցանկացած ագրեսիայի, որը կարող է տեղի ունենալ Սիրիայի դեմ»,-ընդգծել է Մուալեմը:
1
2
3
4
5
1
2
3
4
2
3
5
