Ո՞ր կանանց են տղամարդիկ նվերներ անում և ինչու՞

Իսկ չի՞ լինի տոն, առանց նվերների: Իհարկե կլինի, միայն թե ոչ կանանց տոնը: Ցանկացած կնոջ մեջ կա աստվածուհու ինչ-որ մասնիկ, իսկ ցանկացած աստվածուհու հարկավոր է զոհաբերություններ մատուցել: Երևի նկատել եք՝ կան կանայք, ովքեր անընդհատ նվերներ են ստանում, իսկ ոմանք նույն երևույթով հպարտանալ չեն կարող: Ո՞ր կանանց են տղամարդիկ նվերներ անում և ինչու՞:
Նրանց, ում ցանկանում են գրավել՝ նվերը այս դեպքում ծառայում է, որպես կարմիր դրոշակ՝ ուշադրություն գրավելու և ցույց տալու թե ինչի է նա ընդունակ: Բնականաբար ուշադրություն գրավելու կարիք կա այն կանանց դեպքում, ովքեր անհասնելի են թվում և իրենց ներկայությամբ երես չեն տալիս տղամարդկանց:
Նրանց, ում հանդեպ տղամարդը մեղքի զգացում ունի: Անգամ, եթե նվերը չհարթի խնդիրը, սեփական խիղճը չի տանջի:
Թյուր կարծիք կա, որ տղամարդիկ սիրուհիներին նվերներ են անում, իսկ կանանց՝ ոչ: Իրականում տղամարդը, ով կապված է կնոջ հետ միայն անկողնով, որպես կանոն իրեն նեղություն չի տա նվերներ գնելով, իսկ ահա սեփական կնոջը նվերներ տալը ևս մեկ առիթ է հարաբերությունները ջերմացնելու, կնոջ մոտ վստահություն ծնելու և ուրախացնելու: Եվ հետո, դա սովորություն է:
Կանանց, ում ցանկանում են պահել: Երբ հարաբերության մեջ սառնություն են զգում, լավագույն ձևը նրանք գտնում են անառիթ նվերներ շռայլելու մեջ:
Նվերներ տրվում են նաև այն կանանց, ովքեր իրենք են առատաձեռն և սիրում են թանկ նվերներ անել տղամարդուն, ի վերջո տղամարդիկ պարտքի զգացում չեն սիրում. նրանք կանեն կրկնակին: Այնպես որ ընտրեք՝ որ խմբի մեջ եք դուք ուզում հայտնվել, որպեսզի միշտ շրջապատված լինեք նվերներով:
Իսկ հիմա այն մասին, թե ինչպես անել, որ ստանանք հենց այն, ինչ ուզում ենք: Դե կարելի է ենթադրել, որ ես նվերներ ստանալու առիթներ շատ եմ ունեցել, բայց հիմա հիշեմ մի դեպք. ամենահասարակ օրն էր, ոչինչ չէր հուշում ուրախանալու որևէ առիթ ու զրույցի ընթացքում ընկերոջս այնքան անմիջական ու անկեղծ խնդրեցի՝ ինձ նվեր կբերե՞ս, ուրախանամ, որ ինչ էլ բերեր թերևս կուրախանայի, բայց նա գնել էր հենց այն, ինչ ուզում էի: Ինչ-որ խառը տուփերի ու տոպրակների միջից հանեց մի բան, որի մասին ամիսներ առաջ զրույցի մեջ առանց ինքս դա նկատելու նշել էի: Պատկերացրեք նախ զարմանքս, որ հիշել էր, հետո ուրախությունս, քանի որ հենց դա էի ուզում: Այստեղ կարևորը իրը չէ, ոչ էլ գինը, այլ այն, որ հատուկ ձեր համար է, հատուկ ուշադրություն է և մթնոլորտ է:

Ուստի հուշումներ արեք տղամարդուն, դա պահանջ չէ, ոչ էլ լկտիություն, դա օգնություն է, որի կարիքը նրանք վստահաբար ունեն:
2. Թույլ տվեք, որ նա ձեզ լավ ճանաչի: Հստակ ասեք, թե ինչը դուք չեք սիրում: Ով ինձ գոնե 3 օր ճանաչում է, գիտի՝ ես փափուկ խաղալիք և մանր-մունր բաներ, որոնք պետք է մնան պահարանին ու փոշի հավաքեն, չեմ սիրում: Այսպիսով դուք ապահովագրում եք ձեզ անցանակալի նվերներից:
3. Խոսեք ձեր նախասիրությունների մասին, ասեք ինչն է ձեզ համար կարևոր: Ստացված նվերի դեպքում մի’ թաքցրեք ձեր ուրախությունը: Հաջորդը կլինի ավելի դիպուկ:
Պետք է գիտակցել, որ ինքնաբավ ու ինքնուրույն կնոջը նվերներ ընտրելն իսկապես բարդ է: Որքան դուք ինքնավստահ եք, այնքան քիչ է հավանականությունը, որ նվերները ձեր սրտով կլինեն:

Իսկ հիմա անկեղծ՝ ինչ է մեզ պետք, խնամքի մջոցներ, օծանելիք և ա՞յլն.. դա ինքներս էլ կգնենք, հագուստ՝ գուցե, բայց յուրաքանչյուր կին ինքը գիտի միայն ինչ չափ ինչ գույն, ոճ, նորաձևություն.. նախասիրություն, մի խոսքով գլխացավանք է, թանկարժեք իրեր, զարդեր, լավ է, բայց հաճախ կանայք չեն ուզում թանկարժեք նվերներ, որպեսզի իրենց շատ պարտավորված չզգան, միայն իսկապես մտերիմ մեկից կարող ես թանկարժեք նվեր ընդունել, նվեր-քարտ, սա էլ վատ չէ, բայց հաճախ դիտվում է, որպես փախուստ պատասխանատվությունից: Ի վերջո մնացին ամենակարևոր բաները: Ծաղիկներ և տպավորություններ:
Ուրեմն սա էլ հուշում տղամարդկանց՝ նվիրեք տպավորություններ, անականկալ երեկո, սիրո խոստովանություն, երկար սպասված նվեր, ճանապարհորդություն, նվիրեք տոն…եւ ծաղիկներ, ի դեպ երբեք մի խնայեք ծաղիկների վրա, դրանք պետք է լինեն շատ, գունեղ, թանկարժեք ու թարմ:
Անառիթ նվերները լավ են, բայց նվեր տալու ու ընդունելու մթնոլորտ պետք է ստեղծել: Մթնոլորտը երբ կա, ամենափոքր նվերն անգամ ծառայում է նպատակին: Կնոջ համար դժվարն իմանալն է, թե ինչ եք ուզում, իմացեք և կունենաք դա: Այո, կին լինելը դժվար, բայց ուժեղ խաղաքարտ է: