Արագած Ախոյանը զբաղվելու է Արևմտյան Հայաստանի հարցերով, գեղարվեստով և բիզնեսով

Tert.am –ի հետ զրույցում նախկին ԲՀԿ-ական, ապրիլի 2-ի ընտրություններին Հայաստանի Հանրապետական կուսակցությունից ռեյտինգայինով առաջադրված, բայց չընտրված Արագած Ախոյանն անդրադառնում է իր առաջիկա ծրագրերին: Դրանք 3-են լինելու՝ բիզնես, գեղանկարչություն և Արևմտյան Հայաստան:

-Պարո՛ն Ախոյան, հնարավո՞ր է Երևանի ավագանու ընտրություններին մասնակցելու հայտ ներկայացնենք:

-Չէ, չէ:

-Իսկ ինչով եք զբաղվելու, Ձեր անձնական ծրագրերն, այսինքն:

- Հլը նոր են այս ընտրություններն ավարտվել են, մի քիչ հանգստանանք՝ ընտանեկան բիզնես անենք: Ես նկարիչ եմ՝ գեղանկարիչ, դրանով կզբաղվեմ, ես «Արևմտահայոց Ազգային համագումար» միջազգային կազմակերպության ազգային խորհրդի հիմնադիր անդամ եմ, Թուրքիայի տարածքում աշխատանքային խմբի ղեկավար:   Հազար հարց կա: Այնպես որ՝ զբաղմունք կա, դրա մասին չեմ մտածում։

-Պարո՛ն Ախոյան, ի՞նչ եք կարծում՝ կեղծիքներ կային ապրիլի 2-ի ընտրություններում:

-Չէ, չէ, չկային:

-Չե՞ք ափսոսում, որ ՀՀԿ-ից առաջադրվեցիք ռեյտինգային պատգամավոր:

-Չէ, գիտեք՝ եթե ես լինեի պատգամավոր, մենակ  ՀՀԿ-ի ցուցակով պետք է լինեի, որովհետև, կարճ ասած, ընդդիմադիր դաշտում անհնար է նման գործառույթներով զբաղվել: Քանի որ պետական ատյանների հետ բնականաբար, մի քիչ խնդիրներ  են առաջանում…  Իսկ ես ունեմ կոնկրետ նպատակ՝ էդ գործառույթներն անելու…Դրա համար՝ եթե պատգամավոր, ուրեմն՝ ՀՀԿ-ից, եթե չէ՝ չէ:

-Իսկ Ձեր ԱԺ-ի նախագծերը հետ կանչելո՞ւ եք:

-Ինչի՞ ենք հետ  կանչելու, դրանք մեր ծնած նախագծերն են, դրանք մեր թիմի կողմից ստեղծած նախագծեր են, որոնք լուրջ ձեռքբերումներ են… ոնց կարելի ա: