Մեր երկրում շատերը հստակ չեն պատկերացնում, թե ինչ է իրենից ներկայացնում երկրի անվտանգության գաղտի ծառայությունը և անհարկի տեղը միշտ բացասական դեր են վերագրում այդ ծառայություններին

Համլետ Աբրահամյանը ֆեյսբուքյան իր էջում գրում է.

Ես նկատել եմ որ մեր երկրում մարդկանց մեծամասնությունը հստակ չի պատկերացնում թե ինչ է իրենից ներկայացնում տվյալ երկրի անվտանգության գաղտի ծառայությունը և շատերը անհարկի տեղը միշտ բացասական դեր են վերագրում այդ ծառայություններին։ Հարկ եմ համարում որոշ հստակեցում կատարել ։

Ցանկացած երկրի պետական անվտանգության մարմինները պարտադիր կարգով ունեն իրենց գործակալական ցանցերը ինչպես իրենց երկրներում այնպես էլ իրենց երկրներից դուրս։ Սա պայմանավորված է տվյալ պետության անվտնագության բարձրագույն շահերով։ Այլ ճանապարհ չկա այդ անվտանգությունը լիարժեքորեն ապահովելու համար։
Ամբողջ ցավը կայանում է նրանում որ որոշ պետություններ, չարաշահելով այս անհրաժեշտությունը, անվտանգության մարմինների վրա դնում են նաև քաղաքական ոստիկանության պարտականություններ։ Իսկ քաղաքական ոստիկանությունը աշխարհի ոչ մի նորմալ դեմոկրատական երկիր չպետք է ունենա։ Քաղաքական գործունեորթյունը տվյալ երկրում չպիտի ենթարկվի ոստիկանական հսկողության։ Բացահայտ քաղաքական ոստիկանություն աշխարհի նորագույն պատմության ընթացքում խոշոր երկրներից ունեցել են երկուսը՝ ֆաշիստական Գերմանիան և կոմունիստական ՍՍՀՄ-ը։ Դրանք էին Գեստապոն և ԿԳԲ-ի ինչ որ մի բաժանմունք։ 

Ահա այս քաղաքական ոստիկանությունն է որ արգահատելի դեր է կատարում պետության քաղաքացիներին ենթարկելով ոստիկանական կամայականությունների և վերահսկելով երկրի քաղաքական կյանքը։ Բազմաթիվ են անմեղ մարդկանց նկատմամբ բռնությունները նրանց քաղաքական գործունեության համար։ Այդ բռնությունները շատ հաճախ զուգորդվում էին նաև սպանություններով։

Մեր հասարակության մեջ չկա այս իմ բացատրած նյութի հստակ պատկերացումը դրա համար էլ մարդիկ առանց հասկանալու ինչը ինչոց է սխալ մեկնաբանություններ ու թեզեր են ասում անվտանգության ծառայությունների հասցեին։ 

Արգահատելին քաղաքական կյանքին այդ ծառայությունների միջամտությունն է։ Իսկ երկիրը առանց որակյալ անվտանգության ծառայությունների ուղղակի գոյություն չի կարող ունենալ։