Պուտինը նշել է Ռուսաստանի եւ Հայաստանի համագործակցության բարձր մակարդակի մասին
Header
Ռուսաստանի նախագահ Վլադիմիր Պուտինը Հայաստանի նախագահ Սերժ Սարգսյանին հղած հեռագրում նշել է ՌԴ-ի եւ Հայաստանի միջեւ «դաշնակցային համագործակցության բարձր մակարդակի մասին», հաղորդում է Կրեմլի կայքը:
«Սրտանց շնորհավորում եմ ձեզ նշանակալից հոբելյանի՝ Ռուսաստանի Դաշնության եւ Հայաստանի Հանրապետության միջեւ դիվանագիտական հարաբերությունների հաստատման 25-ամյակի առիթով: Անցած տարիներին, հենվելով բարեկամության բարի ավանդույթների վրա, որոնք վաղուց ի վեր կապում են Ռուսաստանի եւ Հայաստանի ժողովուրդներին, մենք կարողացել ենք ռուս-հայկական հարաբերությունները դաշնակցային համագործակցության բարձր մակարդակի հասցնել»,- նշված է հեռագրում:
ՌԴ նախագահի խոսքով՝ «քաղաքական երկխոսությունը դինամիկ զարգանում է, համատեղ ծավալուն ծրագրեր են իրականացվում առեւտրատնտեսական, գիտատեխնիկական, հումանիտար եւ այլ ոլորտներում: Լավ արդյունքներ ունի մեր երկրների համատեղ մասնակցությունը եվրասիական տնտեսական գործընթացներին, արդի սպառնալիքներին եւ անվտանգության տարածաշրջանային մարտահրավերներին դիմակայելու ջանքերի համակարգումը»:
Պուտինը հստակեցրել է, որ «Մոսկվայում վերջերս կայացած բանակցությունները թույլ են տվել նշել համատեղ աշխատանքի նոր, հեռանկարային ուղղությունները: Համոզված եմ, որ ռուս-հակական կապերի ամբողջ համալիրի՝ երկկողմանի հիմքով, նաեւ ԵՏՄ-ի, ՀԱՊԿ-ի, ԱՊՀ-ի եւ այլ բազմակողմանի կառույցների շրջանակներում հետագա ամրապնդումը համապատասխանում է մեր ընդհանուր շահերին, Անդրկովկասում եւ ընդհանրապես եվրասիական տարածքում խաղաղության ու կայունության ապահովմանը»:
Վլադիմիր Պուտինը Հայաստանի նախագահին ցանկացել է քաջ առողջություն եւ հաջողություններ, իսկ «եղբայրական հայ ժողովրդին՝ բարեկեցություն եւ բարգավաճում»:
1
2
3
4
5
1
2
3
4
5
2
