Գագիկ Սուրենյան. Երևանում ջերմաստիճանը 40-ի չի հասել

Panorama.am-ը գրում է.

Այսօր շատ քաղաքացիների հեռախոսներ ու այլ սարքավորումներ արձանագրում են, որ Երևանում ձերմաստիճանը հասել է 40-ի: Արտակարգ իրավիճակների նախարարության Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը Panorama.am-ի հետ զրույցում նշեց, որ այս պահին Երևանի որևէ կետում իրենց սարքավորումները +40 աստիճան չեն արձանագրում: 

«Մայրաքաղաքի ցածրադիր գոտիներում՝ այսինք Կենտրոնում, Շենգավիթում, 39 աստիճան տաքություն է, իսկ բարձրադիր վայրերում՝ 36-37 աստիճան»,-ասաց նա:

Սուրենյանի խոսքով, վաղվանից ջերմաստիճանը կսկսի իջնել 3-4 աստիճանով, նախատեսվում է, որ վաղը Երևանում կգրանցվի 36 աստիճան, հաջորդ օրը՝ 35 աստիճան: Նրա հավաստմամբ, այս տարվա ընթացքում մինչ այս պահը հանրապետության տարածքում 40 աստիճան շոգ չի գրանցվել:

Օդերևութաբանական ծառայության կանխատեսմամբ, հուլիսի 11-ին, 14-15-ին սպասվում է առանց տեղումների եղանակ: 12-13-ի երեկոյան ժամերին և գիշերվա առաջին կեսին սպասվում է ամպրոպ, կա կարճատև անձրևի հավանականություն: Երեկոյան ժամերին սպասվում է քամու ուժգնացում` 15-20 մ/վրկ արագությամբ:

Հանրապետության տարածքում հուլիսի 11-ին և 15-ին հյուսիսային շրջաններում, 12-13-ի գիշերվա առաջին կեսին և երեկոյան ժամերին, շրջանների զգալի մասում սպասվում են կարճատև անձրև և ամպրոպ, ամպրոպի ժամանակ քամու ուժգնացում` 15-20 մ/վրկ. արագությամբ: 

Ամբողջական հոդվածը կարող եք կարդալ այստեղ