Արցախի Նախագահի Մեծ Բրիտանիա հիրավի պատմական այցի հետ կապված
Ուշադրության կենտրոնում
Լևոն Մարտիրոսյանը ֆեյսբուքյան իր էջում գրում է.
2015 թ. հուլիսի 7-9 տեղի ունեցավ Լեռնային Ղարաբաղի Հանրապետության նախագահ Բակո Սահակյանի այցը Մեծ Բրիտանիա: Պատիվ ունեցա մասնակցելու այդ այցին որպես ՀՀ ԱԺ պաշտոնական ներկայացուցիչ, ՀՀ ԱԺ Հայաստան-Մեծ Բրիտանիա բարեկամական խմբի ղեկավար:
Ու քանի որ քաջատեղյակ եմ այցի մանրամասներին ու հետեւել եմ այցի վերաբերյալ հրապարակումներին ու վերլուծություններին, կուզենայի մի քանի կետով տեղեկատվություն եւ պարզաբանումներ տալ մեր գործընկերներին, լրագրողներին եւ վերլուծաբանններին, որպեսզի մերոնք լավագույնս տեղեկացված ու զինված լինեն հատկապես այս այցի հետ կապված ադրբեջանական քարոզչամեքենայի հրապարակումներին հակազդելու համար:
Եվ այսպես, այո, այցը պաշտոնական չէր եւ չէր էլ կարող այդպիսին լինել այն պարզ պատճառով, որ Մեծ Բրիտանիան չի ճանաչել ԼՂՀ անկախությունը եւ չունի Արցախի հետ դիվանագիտական հարաբերություններ: Այստեղ, սակայն, կարեւոր է իմանալ, որ նույնիսկ տասնամյակներ առաջ միջազգային հանրության կողմից ճանաչված պետությունների ղեկավարները կամ ներկայացուցիչները չափազանց հազվադեպ են հրավիրվում Լոնդոն պաշտոնական այցերով: Այդպիսին է այդ երկրի դիվանագիտական պրակտիկան եւ ոչ ՀՀ-ի, ոչ ԼՂՀ-ի նկատմամբ բրիտանացիների վերաբերմունքը դրա հետ կապ չունեն:
Օրինակի համար, ՀՀ Նախագահը կամ արտգործնախարարը 24 տարվա ընթացքում մեկ-երկու պաշտոնական այց են ունեցել Լոնդոն, մյուս այցերը եղել են մասնավոր, թեեւ պաշտոնական հանդիպումներ եղել են: Նույն վիճակագրությունն է Ադրբեջանի դեպքում: Դեռ ավելին, կան աշխարհի բազմաթիվ ճանաչված երկրներ, որոնց պաշտոնական ներկայացուցիչները կերազեին գոնե մասնավոր այցով լինել Լոնդոնում: Չճանաճվածների մասին անգամ կարելի է լռել:
Երկրորդ, որքան էլ մեր բաքվեցի “բարեկամները” փորձում են իրենք իրենց համոզել, որ Արցախի նախագահը Լոնդոնում գտնվում էր որպես սովորական զբոսաշրջիկ, չեն կարողանում բացատրություն գտնել, թե ինչպես է սովորական զբոսաշրջիկը, որը Մեծ Բրիտանիա է այցելել տուրիստական վիզայով, հաջողացրել հրավեր ստանալ ոչ ավել, ոչ պակաս Միջազգային Հարաբերությունների Արքայական Ինստիտուտից (Chatham House) եւ ոչ ավել, ոչ պակաս Լորդերի Պալատից ելույթներով հանդես գալու համար: Եվ ինչպես է ստացվել, որ այդ ելույթները լսելու համար ներկայացել են Մեծ Բրիտանիայի Խորհրդարանի բազմաթիվ ներկայացուցիչներ, լրագրողներ ու վերլուծաբաններ եւ բազմաթիվ հարցեր ուղղել ԼՂՀ Նախագահին: Ովքեր հասկանում են, թե ինչպիսի քաղաքական եւ դիվանագիտական հարթակների մասին է խոսքը միայն քմծիծաղով կարող են վերաբերվել այն հայտարարություններին, թե դա Chatham House-ում կամ Լորդերի Պալատում թաքնված հայկական լոբբիստների գործն է ու պաշտոնական Լոնդոնը այդ հրավերների հետ կապ չունի:
Եվ վերջապես, խոսվում է այն մասին, որ պաշտոնական Բաքուն լարված հարաբերություններ ունի արեւմուտքի հետ, եւ արեւմուտքը Արցախի նախագահի այցը Լոնդոն կազմակերպելով պատժում է Ադրբեջանին: Միգուցե եւ այդպես է, թող պատժի, մենք դեմ չենք:
1
2
3
4
5
1
2
3
4
5
5
