ԱՄՆ Սենատի արտաքին հատկացումների հանձնաժողովը վերահաստատել է ԼՂ-ին օգնության տրամադրումը

Tert.am-ը գրում է.

ԱՄՆ-ի Սենատի արտաքին հատկացումների հանձնաժողովը սենատոր Մարկ Քըրքի նախաձեռնությամբ վերահաստատել է Միացյալ Նահանգների կողմից Լեռնային Ղարաբաղին մարդասիրական օգնության տրամադրելու ծրագիրը:

Նշենք, որ Լեռնային Ղարաբաղին ԱՄՆ–ի կողմից տրամադրված մարդասիրական օգնությունը 2014-ինկազմել է 2 մլն դոլար։

Ինչպես նշում է Asbarez-ը, ԱՄՆ-ի Հայ դատի հանձնաժողովի նախագահ Քեն Հաչիկյանն այս կապակցությամբ շնորհակալություն է հայտնել սենատոր Քըրքին`ընդգծելով, որ «պաշտոնյան հիանալի աշխատանք է տարել հաջակցություն կենսական նշանակություն ունեցող օգնության ծրագրի շարունակմանը»:

Աղբյուրը մանրամասնում է, որ հանձնաժողովը ևս մեկ անգամ կոչ է արել խաղաղ ճանապարհով լուծել ղարաբաղյան հակամարտությունը, ինչպես նաև կարևորել հակամարտության հետևանքով բոլոր տուժածներին շարունակական բնույթ կրող օգնության տրամադրման անհրաժեշտությունը:

Բացի այդ, ԱՄՆ օրենսդիրները կարևորել են Լեռնային Ղարաբաղի տարածքով մեկ` հատկապես ներքին` ոչ սահմանային, ու գյուղատնտեսական նշանակություն ունեցող տարածքներում ականազերծման ծրագրի ֆինանսավորումը:

Նշվում է նաև, որ արտաքին հատկացումների հանձնաժողովն առաջարկել է 20.06 մլն դոլարի տնտեսական օգնություն տրամադրել Հայաստանին, ինչպես նաև 1.7 մլն դոլար` որպես ռազմական օգնություն և ևս 600.000 դոլար` ռազմական մարզումներ անցկացնելու համար: Հայտնի է, որ հարևան Ադրբեջանի ու Վրաստանի համար օրենսդիրներն առաջարկել են որպես տնտեսական օգնություն տրամադրել 8.778 մլն և համապատասխանաբար 54 մլն դոլար:    
          
Անդրադառնալով սիրիական ճգնաժամին` հանձնաժողովն առաջարկել է 195 մլն դոլարի օգնություն հատկացնել ռազմական գործողությունների հետևանքով տուժածներին, ինչպես նաև Հորդանանում, Թուրքիայում և Լիբա