ՌԴ-ն վերանայո՞ւմ է իր դիրքորոշումը տարածաշրջանում
Blog
Տաթև Տիգրանյանը ֆեյսբուքյան իր էջում գրում է.
Էլէներգիայի սակագնի բարձրացման դեմ ուղղված ցույցերից զատ, վերջին օրերին, հասարակության շրջանում մեծ հետաքրքրություն էին առաջացրել նաև ՀՀ նախագահ Սերժ Սարգսյանի և վարչապետ Հովիկ Աբրահամյանի` ՌԴ կատարած այցերը:
Պաշտոնական տեղեկատվության համաձայն, Հ. Աբրահամյանի և Դ. Մեդվեդևի հանդիպման ժամանակ քննարկվել են երկու երկրների առևտրատնտեսական հարաբերությունների բարելավման, ԵՏՄ շրջանակներում համատեղ տարբեր ծրագրերի և նոր նախագծերի իրականացմանը վերաբերող մի շարք հարցեր, սակայն ակնհայտ է, որ այս թեմաներից զատ, երկու երկրների վարչապետների հանդիպման ժամանակ քննարկվող ամենակարևոր հարցերից մեկը եղել է Հայաստանում` ՀԷՑ-ի շուրջ ստեղծված իրավիճակի քննարկումը:
Գաղտնիք չէ, որ վերջին երկու շաբաթների մեր երկրում ստեղծված ներքաղաքական զարգացումների պատճառով, Հայաստանը կրկին համաշխարհային հանրության ուշադրության կենտրոնում էր: Ինչի արդյունքում միջազգային մամուլը հեղեղվել էր Բաղրամյանի ցույցերի վերաբերյալ պատմող նյութերով:
Ինչ վերաբերում է Սերժ Սարգսյանի BRICS-ի, Եվրասիական տնտեսական միության և Շանհայան համագործակցության կազմակերպության համատեղ գագաթնաժողովի ելույթին, ապա պետք է նշել, որ նախագահը իր ելույթում բարձրացրել է Հայաստան-Իրան երկաթուղային ճանապարհի կառուցման հարցը, որը Պարսից ծոցի միջոցով կարող է ԵՏՄ երկրների համար ելքը ապահովել դեպի Հնդկական օվկիանոս, ինչն էլ կարող է շահագրգռվածություն առաջացնել միության բոլոր երկրների շրջանում:
Երկու երկրների վարչապետները, ամենայն հավանականությամբ, բանակցությունների ժամանակ նույնպես անդրադարձ են կատարել Հայաստան-Իրան երկաթուղային ճանապարհի կառուցմանը:
Պետք է փաստել, որ այս պարագայում Հայաստանի համար ստեղծվել է բարենպաստ իրավիճակ իր էներգետիկ և տրանզիտային հնարավորությունները զարգացնելու համար, ինչը ճիշտ օգտագործելու և բոլոր կողմերի հետ արդյունավետ աշխատելու դեպքում, կարող է հանգեցնել ցանկալի արդյունքի :
Իսկ ինչ վերաբերում է տարածաշրջանային մյուս իրադարձություններին` այդ թվում Ադրբեջանի մեկուսացմանը, Թուրք-չինական հարաբերությունների սրմանը, «Նոր մետաքսի ճանապարհ» տրանզիտային ուղու ստեղծմանը, ինչպես նաև իսլամական խմբավորումների կողմից վտանգի ուժգնացմանը, որին գումարվեցին նաև Հայաստանում` էլէներգիայի սակագնի թանկացման դեմ տեղի ունեցող բողոքի ակցիաները, ապա, ամենայն հավանականությամբ, հենց այս իրադարձությունները առիթ հանդիսացան, որպեսզի Ռուսաստանը ինչպես տարածաշրջանում, այնպես էլ Հայաստանի հետ հարաբերություններում վերանայի իր դիրքորոշումը:
1
2
3
4
5
1
2
3
4
5
5
