Քաղաքացին միշտ ճիշտ է

Խորհրդարանական ընտրություններին ընդառաջ նախընտրական քարոզարավը շարունակում է թեժանալ։ Ինչպես և սպասվում էր արդեն մի շարք քաղաքական ուժեր սկսել են հասրակության որոշակի շերտերին ուղղված մեղադրանքները։ Խոսքը վերաբերում է վերջերս մի շարք տարբեր հարթակներում մի  խումբ քաղաքացիներ հայտնած կարծիքներին՝ ընտրությունների ֆարս լինելու և այս պատճառով ընտրական գործընթացներին մասնակցություն չունանալու մտադրության և այս հիմքով որոշ քաղաքական ուժերի մեղադրանքների մասին։

Այս իրադրությունն ըստ էության բավական նուրբ իրավիճակի արտացոլանքն է։ Ընտրություններին մասնակող քաղաքական ուժը ուղղակիորեն մեղադրում է ընտրոթյունների բոյկոտի  որոշում ընդունած քաղաքացիներին կակա թե ակամ Հանրապետականին աջակցելու մեջ, քանի որ ընտրություններին քաղաքացիների չմասնակցելը բխում է Հանրապետականի շահերից։ Թե ինչքանով է այս մոտեցումը համապատասխանում  իրականությանը դժվար է ասել, սակայն մյուս կողմից ակնհայտ է, որ քաղաքական ուժի կողմից նման մեղադրանքը մեղմ ասած տարօրինակ է։ վերջիվերջո բոյկոտը նույնպես հստակ քաղաքացիական և նույնիսկ քաղաքական դիրքորոշում է, որի իրավունքը քաղաքացին ունի։ Միայն այս փաստի համար մեղադրել քաղաքացուն այնքնա էլ հասկանալի չէ։

 Մուս կողմից, քաղաքական ուժը մեղդրանքներ հնչեցնելուց առաջ գուցե պետք է առնվազն հասկանար, թե ինչ չչի կարողացել հենց ինքը առաջարկել որպես բոյկոտի այլընտրանք և հենց ասյ տեսանկյունից էլ փորձեր շտկումներ կատարել սեփական ծրագրում, քայլերում  կամ գործունեության մեջ։ Սակայն ցավոք սրտի հայաստանյան քաղաքական իրականության մեջ ամենատարածված բանը տարատեսակ մեղադրանքներն են ՝ մանավանդ ուղղված քաղաքացիներին։ Նույն այս տրամաբանությամբ ոչ վաղ անցյալում մենք հանդիպում  էին «Ով մեզ հետ չէ, մեր դեմ է» կամ իշխանության հետ է բանաձևը, մեծ հաշվով հիմա նույն բանը տեսնում ենք արդեն բոյկոտի մասին հայտարարողների պարագայում։

Անշուշտ այստեղ պետք է շեշտել, որ հայաստանյան քաղաքական իրականության պայմաններում բոյկոտը առնվազն ներկայումս գործուըն միջոց չէ, և հեռանկարում էլ այդպիսին դժվար թե դառնա։ Այս տեսանկյունից գուցե մասնակցային դիրքորոշումն առավել կառուցողական լիներ։ Սակայն նախ սա ընդամենը ենթադրություն, և երկրորդ ցանկցած քաղաքացի լիիրավ իրավունք ունի ունենալ սեփական դիրքորոշումը ընտրական և երկրում կատարվող ցանկացած գործընթացի նկատմամբ։

Եթե այս կամ այն քաղաքական ուժը կամ գործիչը առավել ևս ընդդիմադիր գործիչը հան դես է գալիս քաղացուն սեփական դիրքորոշման համար մեղադրելու ելակետից, ապա դժվար է ասել, թե այդ ուժն իշխանության գալով ինչպիսի վարքագիծ կդրսևորի կամ ինչով կտարբերվի առկա իշխանուևթյունից, որը գոնե արտաքուստ և ձևականերեն յուրային ների և թշնամիների բաժանարար գիծ չի տանում քաղաքացիների միջև։

Աղասի Մարգարյան

PressMedia.am վերլուծաբան