Ի՞նչ արգելքներ են գործում «Իսլամական պետություն» ահաբեկչական կազմակերպության վերահսկողության ներքո գտնվող տարածքներում

Արմեն Պետրոսյանը ֆեյսբուքյան իր էջում գրում է.

Նախ և առաջ, «Իսլամական պետության» (ԻՊ) տիրապետության տակ գտնվող տարածքներում գործող օրենքնները հստակ սահմանում են՝ ովքեր են համարվում մահմեդականներ, ովքեր՝ ոչ: Օրինակ, շիաներն ու եզդիները համարվում են «անհավատներ», «հեթանոսներ», որոնց պետք է սպանել, իսկ քրիստոնյաներին առաջարկվում է իսլամ ընդունել, հակառակ դեպքում՝ պարտադրվում է ամենամյա գլխահարկ(ջիզյա) վճարել:

Բացի նշվածից, ԻՊ-ի տարածքում հստակ կանոնակարգում են տղամարդկանց և կանանց միջև հարաբերություններն, ընդ որում, վերջինները ստորադասվում են իրի մակարդակի:
«Իսլամական պետության» զբաղեցրած տարածքում գործող տարաբնույթ արգելքներից կարելի է առանձնացնել մի քանիսը՝ 

1. Կանանց և աղջիկներին արգելվում է ջինսե տաբատաներ կրել: Նրանք պարտադիր պետք է մուսուլմանական հագուստ հագնեն, արգելվում է նաև կոսմետիկա օգտագործելը:

2. Արգելվում է ծխելը, ծամոն ծամելը: Այս արգելքներն անտեսողները պատժվում են մտրակի 80 հարվածով, իսկ երբեմն՝ դրանց բազմակի խախտման դեպքում՝ նաև մահապատժով:

3. ԻՊ-ի տարածքներում արգելվում է բարձր երաժշտություն լսելն, ինչի համար պատիժ է սահմանված մտրակի 70 հարվածը:

4. Արգելվում է կիրառել «Daesh» բառը՝ «Իրաքում և Շամում իսլամական պետության» արաբերեն հապավումն, այս արգելքի խախտման պարագայում սահմանմանված է մտրակի 70 հարված:

5. Կանացի կարի արհեստանոցները փակվում են, եթե այնտեղ տղամարդ է մտնում:

6. Նույն պատճառով կարող են փակվել նաև կանացի վարսավիրանոցները:

7. Գինեկոլոգ կարող են լինել միայն կանայք:

8. Շուկայում և խանութներում որպես վաճառող աշխատող կանանց արգելվում է աթոռին նստել:

9. Աղոթքի ժամերին խանութները փակվում են:

10. Տաքսու վարորդներն, ովքեր իրենց հաճախորդներին տանում են հեռավոր տարածություններ, առանց հաճախորդի խնդրանքի և ապա գումար են պահանջում նրանից՝ հետ տեղափոխելու համար, մեղավոր են համարվում «ժողովրդին կեղեքելու հարցում» (սա լոկալ արգելք է, որը գործում է ոչ համատարած, ասենք՝ Իրաքի ալ Ֆալուջա քաղաքում): Այս արգելքի խախտման համար սահմանված է ձեռքի անդամահատում կամ մահապատիժ:

11. Առանց տղամարդու ուղեկցության տնից դուրս եկած կանանց ԻՊ-ի զինյալները վերադարձնում են տուն, իսկ նրանց ամուսիններին պատժում մտրակի 80 հարվածներով: 
Հ.Գ. Այս և բազմաթիվ այլ արգելքների մասին ԻՊ-ի զինյալներն իրենց վերահսկողության ներքո գտնվող տարածքներում հայտարարարում էին ամեն օր, իսկ ներկայում՝ շաբաթվա ընթացքում 3 անգամ: