Թուրքիայի արտգործնախարարը կմեկնի Գերմանիա՝ չնայած իր ելույթը չեղյալ հայտարարելուն
Header
Թուրքիայի արտգործնախարար Մեվլյութ Չավուշօղլուն մտադիր է այցելել Գերմանիա՝ չնայած այն բանին, որ գերմանական իշխանությունները չեղյալ էին համարել Համբուրգում թուրքական համայնքի առջեւ նախատեսված նրա ելույթը:
Չավուշօղլուի ելութը չէր թույլատրվել Համբուրգի տեղական իշխանության կողմից այն պատճառաբանությամբ, որ շենքը, որտեղ պետք է լիներ միջոցառումը, չի համապատասխանում հակահրդեհային անվտանգության կանոններին:
«Սա ճնշման համակարգ է: Ստիպում են, որ հյուրանոցների, սրահների սեփականատերերը չեղյալ համարեն համաձայնություննները: Փորձել են առգրավել ազատ սրահի լիցենզիան: Ես կգնամ: Ինձ ոչ ոք հետ չի պահի», - CNN Turk-ի փոխանցմամբ՝ ասել է Չավուշօղլուն:
Ավելի վաղ Բադեն Վյուտենբերգ երկրամասի Հագենաու քաղաքի իշխանությունները արգելել էին Թուրքիայի արդարադատության նախարար Բեքիր Բոզդաղի ելույթը, որից հետո նախարարը լքել էր երկիրը՝ հրաժարվելով հանդիպել գերմանացի գործընկերոջ հետ:
Հիշեցնենք, որ Բեռլինի եւ Անկարայի միջեւ հարաբերությունները սրվել են՝ Ստամբուլում ծագումով թուրք գերմանացի լրագրող Դենից Յուջելի ձերբակալությունից հետո :
1
2
3
4
5
1
2
5
