Վրաստանը ձգտում է լավ հարաբերություններ պահպանել Հայաստանի հետ. վրացագետ

Araratnews.am-ը գրում է.

Տարածաշրջանի երկրներից Հայաստանը միայն Իրանի և Վրաստանի հետ լավ հարաբերություններ ունի, ընդ որում, Վրաստանի հետ հարաբարերությունների դրական տեղաշարժ է զգացվում վերջին շրջանում: Նման կարծիք այսօր լրագրողների հետ հանդիպմանը հայտնեց  վրացագետ Ալիկ Էրոյանցը: Վերջինս հատկապես կարևորեց հայ-վրացական հարաբերությունները:

«Մեր երկրների միջև հարաբերությունները վերջին տարիներին ամրապնդվել են: Սրան էապես նպաստել է նաև Վրաստանի իշխանությունների կողմից վարած քաղաքականությունը: Հարաբերությունների այս նոր շրջանը երկկողմանի ձեռնտու է երկու կողմերի համար էլ: Ինչպես հայտնի է՝ Վրաստանը բռնել է ԵՄ ուղին, ուստի սա մտահոգվելու տեղիք էր տալիս, թե արդյոք Հայաստանն ու Վրաստանը, գտնվելով տնտեսական հակադիր բևեռներում, կկարողանան ընդհանուր հայտարարի գալ»,- նշեց վրացագետը:

Նրա գնահատմամբˋ Վրաստանի ներկայիս ղեկավարությունը ձգտում է լավ հարաբերություններ պահպանել Հայաստանի հետ, ուստի առաջիկայում  հայ-վրացական հարաբերությունները անկում չեն ապրում:

Անդրադառնալով Թուրքիայի հետ հարաբերություններինˋ վրացագետը ընդգծեցˋ գուցե քաղաքական վերնախավի հարաբերությունները սառել են, բայց տնտեսական առումով դրանք անկում չեն ապրել, իսկ ինչ վերաբերում է ռուս-վրացական հարաբերություններին, ապա, վրացագետի դիտարկմամբ, ներկայումս Վրաստանի իշխանությունները որոշակի քայլեր են մշակում ռուս-վրացական հարաբերությունների բարելավման ուղղությամբ: