Սիրիացի փախստականների թիվը գերազանցել է 4 միլիոնը. ՄԱԿ
Header
Tert.am-ը գրում է .
Սիրիայում շարունակվող զինված հակամարտության պատճառով հարևան երկրների փախած սիրիացիների թիվը գերազանցել է 4 միլիոնը: Այդ մասին ասված է հինգշաբթի օրը Ժնևում հրապարակված փախստականների հարցերով ՄԱԿ-ի գլխավոր քարտուղարի վարչության զեկույցում, հաղորդում է ТАСС-ը:
Փաստաթղթի հեղինակների տվյալներով՝ Սիրիայի հետ հարևան պետություններում այժմ 4,013 միլիոն փախստական է գտնվում այդ երկրից: Ընդ որում՝ վերջին տասը ամիսներին նրանց թիվը տարածաշրջանի երկրներում մեծացել է միլիոն մարդով: Վարչության կանխատեսումների համաձայն՝ 2015 թվականի վերջին նրանց թիվը կհասնի 4,27 միլիոնի:
«Սա վերջին մոտ քառորդ դարում ամենամեծ ճգնաժամն է, որ առաջացրել է մի երկրից փախստականների հոսք»,- նշել են վարչությունում: ՄԱԿ-ում հիշեցրել են, որ ևս 7,6 միլիոն սիրիացի, ովքեր ստիպված են եղել լքել իրենց տները, գտնվում են Սիրիայի տարածքում և ներքին տեղահանված մարդիկ են համարվում։
Թուրքիայում, որն առաջին տեղում է հայտնվել իր տարածքում փախստականների թվով, գտնվում է Սիրիայից փախած մարդկանց 45 տոկոսը, այսինքն՝ ավելի քան 1,8 միլիոն մարդ: Հունիսին այնտեղ է ժամանել 24 հազար սիրիացի:
Սիրիայի ավելի քան 1,17 միլիոն քաղաքացի գտնվում է Լիբանանում, մոտ 630 հազար՝ Հորդանանում, 250 հազար՝ Իրաքում, 132 հազար՝ Եգիպտոսում, 24 հազար՝ Հյուսիսային Աֆրիկայի այլ երկրներում:
Բացի այդ ավելի քան 270 հազար սիրիացի դիմում է ներկայացրել Եվրոպայի երկրներում ապաստան ստանալու համար:
1
2
3
4
5
1
2
3
1
2
3
5
