Պարուհի, գեղեցկուհի, չեմպիոնուհի. հայտնի հայուհի Վարդան նշում է ծննդյան 32-ամյակը (ֆոտո)

Life 3 Մարտ, 2017 15:36

Գեղեցիկ, շքեղ, սեքսուալ եւ գրավիչ հայուհիներ շատ կան, սակայն նրանցից ոչ բոլորին է հաջողվում գերել աշխարհն իրենց արտաքին տվյալներով եւ տաղանդով:

Հայկական ծագում ունեցող ուկրաինացի պարուհի եւ երգչուհի Վարդանուշ Մարտիրոսյանին դա, միանշանակ հաջողվել է: Եթե չհասկացաք, թե ում մասին է խոսքը, պարզապես, նշենք` հայ գեղեցկուհու բեմական անունը Վարդա է եւ այսօր` մարտի 3-ին, աշխարհի ամենաշքեղ հայուհիներից մեկը նշում է ծննդյան 32-ամյակը:

Պար, երգ, դերասանություն, դիզայն եւ ոճի հրաշալի զգացողություն` Վարդան այն կանանցից է, որն ապացուցել է, որ գեղեցիկ աղջիկները եւս կարող են լինել բազմատաղանդ. սակայն պարուհի-երգչուհու տաղանդների մասին խոսենք հերթով…

7 տարեկան հասակում մոր ջանքերով Վարդան հաճախել է «Արենա» կրկեսի ստուդիա, որտեղ էլ ձեւավորվել է պարուհու ճկուն մարմինը, իսկ հետո աղջիկը սկսել է երգել «Արծաթե զանգակ»(Серебрянный колокольчик) ստուդիայում, որին հաջորդել է Арлекин թատերական կենտրոնը:

Ի դեպ, հայ գեղեցկուհին ունի երկու բարձրագույն դիպլոմ` էստրադային եւ զանգվածային տոների ռեժիսոր եւ ֆիզիկական կուլտուրայի մենեջեր:

Երգչուհի-պարուհին մի շարք մրցույթների է մասնակցել: Նրան հաջողությունն, իսկապես, ժպտաց, երբ 2003-2004 թ-երին նա դարձավ Ուկրաինայի մերկապարի առաջին չեմպիոնուհին:

Այս մրցույթին հաջորդեցին մյուսները` Золотой Пилон, «Մոսկվայի լավագույն պարուհին», Miss Pole Dance Russia եւ այլն:

Վարդան երբեք չի մոռանում իր հայկական արմատների մասին: Բացի ռուս հայտնի երգիչերից (Սերգեյ Զվերեւ, Վիտալի Կոզլովսկիյ)` երգչուհին համագործակցում է նաեւ հայ երգիչների հետ: Վարդան զուգերգով հանդես է եկել «Ֆուլ Հաուս»-ի սիրված աստղ Միհրան Ծառուկյանի հետ, իսկ անցած տարի նա նկարահանվեց ուկրաինական X Factor-ի հաղթող, սիրված երգիչ Սեւակ Խանաղյանի Когда Мы С Тобой տեսահոլովակում:

Ավելի ուշ Վարդան եւ Սեւակը ժամանեցին Հայաստան եւ միասին այցելեցին Ծիծեռնակաբերդ` այցի մանրամասների բացառիկ անդրադարձը վստահելով NEWS.am STYLE-ին:

Ի դեպ, դա Վարդայի առաջին համագործակցությունը չէր մեր կայքի հետ… Գեղեցկուհին լուսանկարվել է նաեւ NEWS.am STYLE-ի բացառիկ ֆոտոշարքում, որից մի քանի կադրեր առաջարկում ենք վերհիշել այս պահին:

Շնորհավոր ծնունդդ, մեր սիրելի ու միշտ սպասված Վարդա:)

Սյունե Առաքելյան