Իշխանության և ընդդիմության տրամաչափը

Խորհրդարանական ընտրություններին ընդառաջ հայաստանյան քաղաքական կյանքում մի շարք ոչինչ չասող և գործնական հետևանքներ չունեցող հռետորաբանությունից զատ հիմնական գործընթացները կարծես թե կենտրոնացել են Արթուր Սարգսյանի շուրջ, որն առավել հայտնի դարձավ որպես «Հաց  բերող»։ Վերջինիս շուրջ ստեղծված իրավիճակն անշուշտ բավական հետարքրքիր է, քանի որ մի կողմից մի շարք քաղաքական գործիչներ հանդես են գալիս նրա պաշտպանությամբ, ստորագրահավաք են կամակերպում՝ կալանքի միջոցը փոխելու համար և այլն։

Անշուշտ, որ Արթուր Սարգսյանի առողջական վիճակն հաշվի առնելով, պետք է փաստել, որ նա չի կարող վտանսել նախաքննությանը կամ հետաքննությանը որևէ կերպ և այս առումով և իրավական և բարոյական տեսանկյուններից պետք է հասնել նրա աատությանը։ Մյուս կողմից այստեղ շատ նուրբ սահման կա, որի խախտվելու դեպքում Արթուր Սարգսյանը կարող է ուղղակի շահարկվել քաղաքական նպատակների և դիվիդենտների համար։

Սա բավական բարդ իրավիճակ է, որի հանգուցալուծումը թվում է կարող էր լինել նման աղմուկից խուսափելը և Արթուր Սարգսյանին պարապես ազատ արձակելը, ինչը  մի անգամ արդեն արվեց։Սակայն սարգսյանի կալանքի միջոցը փոխելուց հետո հասարակական մի շարք գործիչներ և քաղաքացիական ակտիվիստներ այնպիսի աղմուկ բարձրացրեցին և ներկայացրեցին Արթուր Սարգսյանի ազատ արձակելը որպես իրենց հաղթանակ, որ վարչակարգը որոշակիորեն մտահոգվեց։ Բանն այն է, որ հայաստանյան տիպի վարչակարգերի ամենամեծ վախը թուլության նշանն է, այստեղ բոլորվին էլ էական չէ Արթուր Սարգսյանի անձն ու գործունեությունը։ Մեծ հաշվով որևէ գործունեություն նա չի էլ ծավալել կամ ծավալում, սակայն նրա աատության գործին լծված ակտիվիստները խափանման միջոցը փոխարինելը ներկայացրեցին որպես իրենց հաղթանակ։ Անշուշտ, միանաշանակ գնահատել բոլոր այդ ակտիվիստներին հնարավոր չէ, քանի որ նրանց շարքում կան և անկեղծ մտահոգվածներ և ուղղակի դիվիդենտներ հավաքողներ, սակայ սա այլ խնդիր է։

Վերադառնալով Արթուր Սարգսյանին, պետք է նշել, որ վարչակարգը ուղղակիորեն խուսափում է ցանկացած անկանխատեսելի իրավիճակից, որի արդյունքում էլ Սարգսյանը կրկին հայտնվեց ճաղերի ետևում։ Սա որքան էլ տհաճ կամ անընդունելի համարենք, սակայն փաստ է, որ իրերի տրամաբանական ընթացք է, քանի որ վարչակարգը ցանկացած կերպ պետք է ցույց տա իր ուժը և իրավիճակին տիրապետելը՝ առավել ևս ընտրությունների նախաշեմին։ Հակառակ դեպքում զարգացումները կարող են անակնկալներ մատուցել։ Ի դեպ հենց այս տրամաբանությամբ էլ քաղաքական մի շարք գործիչներ փորձում են հասնել Սարգսյանի ազատ արձակմանը, որը կարող է խորհրդանշանական իմաստով դառնալ փոքր հաղթանակն վարչակարգի նկատմամաբ։

Մյուս կողմից, նկատի ունենալով Արթուր Սարգսյանի զուտ առողջական վիճակը, դժվար է ասել, թե ինչ քայլեր կանեն իշխանությունները, քանի որ ակնհայտորեն նրա կյանքը վտանգված է, ինչը բավական դժվարին իրավիճակ է ստեղծում հենց իշխանության համար։

Ամեն դեպքում պետք է արձանագրել, որ ցավոք սրտի Արթուր Սարգսյանը դարձել է և իշխանության և ընդդիմության տրամաչափի ցուցիչը։

Աղասի Մարգարյան

PressMedia.am վերլուծաբան