Երեւանում տեղի ունեցած ավազակային հարձակումը բացահայտվել է. կա 3 ձերբակալված. ՔԿ
ՀՀ քննչական կոմիտեի Երեւան քաղաքի քննչական վարչության Քանաքեռ-Զեյթուն վարչական շրջանի քննչական բաժնում քննվող քրեական գործով իրականացված քննչական գործողությունների արդյունքում բացահայտվել է փետրվարի 16-ի ուշ Երեւանում տեղի ունեցած ավազակային հարձակումը։
Այս առնչությամբ ՀՀ Քննչական կոմիտեի տարածած հաղորդագրության մեջ նաեւ ասվում է.
«Ավելի վաղ տեղեկացրել ենք, որ փետրվարի 16-ին՝ ժամը 23։30-ի սահմաններում, առերեւույթ հանցագործություն կատարած թվով 4 հոգի մուտք են գործել Զ.Սարկավագի փողոցի 123/3 բնակելի շենքի բնակարաններից մեկը, բռնություն գործադրել սեփականատիրոջ եւ այդ պահին տանը գտնվող նրա ծանոթուհու նկատմամբ, հափշտակել կանխիկ գումար, հեռախոսներ եւ այլ առարկաներ, անձնագիր եւ դիմել փախուստի։ Բռնության հետեւանքով սեփականատիրոջը պատճառվել են մարմնական վնասվածքներ։
Դեպքի առթիվ Քանաքեռ-Զեյթուն վարչական շրջանում հարուցվել է քրեական գործ՝ ՀՀ քրեական օրենսգրքի 175-րդ հոդվածի 2-րդ մասի 1-ին, 2-րդ, 3-րդ եւ 4-րդ կետերի եւ 324-րդ հոդվածի 1-ին մասի հատկանիշներով: Տղամարդը եւ ընկերուհին ճանաչվել են տուժող։
Նախնական քննությամբ ձեռնարկված մեծածավալ քննչական գործողությունների արդյունքում բավարար փաստական տվյալներ են ձեռք բերվել, որ հանցագործություն կատարած անձինք բնակարան են մուտք գործել սեփականատիրոջ ծանոթուհուն տեսակցելու պատրվակով, պարզվել է նրանց ինքնությունը։
Ավազակային հարձակում կատարելու կասկածանքով ձերբակալվել է 3 անձ, եւս մեկի նկատմամբ որպես խափանման միջոց է կիրառվել ստորագրություն՝ չհեռանալու մասին։
Նախաքննությունը շարունակվում է: Միջոցներ են ձեռնարկվում՝ դեպքի բոլոր հանգամանքները պարզելու ուղղությամբ»:
1
2
3
4
5
3
4
5
2
3
4
5
