Այս երկու օրերս հասկացա որ կապելու գժերը Ֆեյսում ավելի շատ են քան կենդանի կյանքում

Համլետ Աբրահամյանը ֆեյսբուքյան իր էջում գրում է.

Քանի որ Ֆեյսում հիմնականում առավել գրագետ մասսան է, ստացվում է որ կապելու գժերը գրագետների մոտ միջինում ավելի շատ են քան մեր ժողովրդի մեջ ընդհանրապես։
Մի կին, ով վերջերս բարեհաջող, ի փառս մեր ժողովրդին, մի նոր կուսակցություն ստեղծեց ու անընդհատ կուսաթաղանթի խրոնիկական բորբոքում ունի , անմեղ տեղը ինչ ասես ասեց ինձ։ Երևի բորբոքման պատճառով տաքությունը այնքան էր բարձրացել որ զառանցում էր։

Սրանից մի կերպ գլուխս ազատեցի ու դեռ լրիվ խելքի չեկած, դրանից անմիջապես հետո, մեկը կպավ թե Գերման Ստեռլինգովը ջհուդ է ու ջհուդերը ուզում են մեր Ղարաբաղը մեր ձեռից խլեն։ Ասում եմ այ հարգելի օգտատեր դու որտեղից գիտես որ նա հրեա է։ Սա թե անունը Գերման է իսկ Գերման անունը միայն ջհուդերը ունե։ Ես ասում եմ այ հարգելի օգտատեր առնվազն մի տասը Գերմանի ես ճանաչում եմ, իրենք զտարյուն հայեր են։ Սա թե սխալվում ես, իրենք բոլորը թաքնված ջհուդեր են, Տիգրան Մեծի բերածներն են։

Հիմա չգիտեմ ինչ անեմ։ Ստիպված ասում եմ բայց չէ որ այդ բոլորը ենթադրություններ են և այդ ենթադրությունների հիման վրա Գերման Ստեռլինգովին հրեա գրելու և հրեայի անձնագիր տալու, թևին էլ վեցանկյուն աստղ նկարելու ոչ մի իրավունք ես չունեմ։ Սրանից հետո խոսակցությունը համարելով փակված այս հարգելի օգտատիրոջը հրաժեշտ եմ տալիս և բարի գիշեր մաղթում։ Առավոտյան արթնացա տեսնեմ մի հայհոյախառը երկար բարակ ստատուս է գրել թե Համլետ դու էլ ես ջհուդ որովհետև ազգանունդ Աբրահամյան է, իսկ բոլոր Աբրահամները ջհուդեր են։ Դու թաքնված ջհուդ ես ու նպատակդ էլ մեր հայրենիքը կործանելն է։

Հիմա շվարել մնացել եմ, գնացի ինչքան փաստաթուղթ ունեի բացեցի նորից ուշադիր կարդացի, ոչ մեկի մեջ գրած չէր որ ես հրեա եմ։ Այլ ընդհակառակը, մի քանիսի մեջ հայերեն ու անգլերեն, տեղ տեղ էլ ռուսերեն գրած էր որ ես հայ եմ։ Զանգեցի երեխաներիս հարցրեցի, իրենք էլ պնդեցին որ ես զտարյուն հայ եմ և հիշեցրին որ արմատներս էլ Մուշից են, Զիրո գյուղից։ Սա որ լսեցի շատ սրտապնդվեցի և ինչքան շքեղ հայհոյանքներ մանուկ հասկումս սովորել էի Հայաստանի հայհոյանքի բազմակի չեմպիոն, մեր հարևան Հայկոյից շուլալեցի այս հարգելի օգտատիրոջը։ Վստահ եմ որ հիմա նստած կարդում է դրանք ու լաց լինում անիծելով այն պահը որ հանդիպեց ինձ։

Հարգելի և սիրելի օգտատերեր, ես ոչ մեկի հասցեին երբևիցե տհաճ բաներ չեմ ասում։ Ճիշտ է, պարբերաբար դժգոհում եմ մեր իշխանավորներից նրանց բթությունը վկայակոչելով, դա էլ իմ Սահմանադրական իրավունքն է։ Բոլոր երկրներում էլ քիչ թե շատ հասկացող ցանկացած մարդ պարբերաբար հայհոյում է իր իշխանավորներին։ Դա ներվերը հանգստացնելու թույլատրելի և շատ օգտակար միջոց է։

Անմեղ տեղը, այս կամ այն հարցի մասին ձեր ունեցածից տարբերվող կարծիք հայտնելու համար ինձ մի վիրավորեք։ Նման դեպքերում ես աշխարհի բոլոր անպատիվ խոսքերը ձեզ հայտնում եմ անձնական նամակի տեսքով և դուք ձեր ողջ կյանքում մղկտալու եք որովհետև դա ձեր կյանքի ամենասարսափելի նամակն է լինում և այն հնարավոր չէ մոռանալ։

Հուսով եմ հանուն ձեր սեփական հանգստության ինձ այլևս չեք անհանգստացնի ձեր բութ ու տգեղ բառ ու բանով հարգելի անդաստիարակ կամ վատ դաստիարակություն ստացած ընկեցիկներ։