Ինչու է Վրաստանը պատժում Հայաստանին. “lragir.am”
Մամուլ
Lragir.am-ը գրում է.
Վրաց-ռուսական Վերին Լարս սահմանային անցակետում հայկական բեռների կուտակում է: Հատկապես բարդ է վիճակը նրանց համար, ովքեր չունեն սառնարան-բեռնատար վարձելու հնարավորություն, եւ կանգառը սպառնում է արտահանվող ապրանքի փչացմամբ, որն այս օրերին հիմնականում գյուղմթերք է:
Արդյո՞ք վրացական կողմն իսկապես Վերին Լարսը երեկոյան ժամերին ու գիշերը փակ է պահում սողանքների վտանգի պատճառով, թե՞ այստեղ կամ ռուս-վրացական, կամ հայ-վրացական որեւէ խնդիր է, որի պատճառով էլ Վրաստանը Վերին Լարսի համար նոր ռեժիմ է սահմանել, մինչեւ որ Ռուսաստանը կամ Հայաստանը կլուծեն այդ խնդիրը իր հետ:
Օրինակ, արդյո՞ք որեւէ դերակատարում ունի այն, որ Հայաստանն ու Վրաստանը փաստացի տարբեր մաքսային ռեժիմներում են հայտնվել՝ Վրաստանն Ասոցացված է Եվրամիության հետ, Հայաստանը անդամակցել է ԵՏՄ-ին: Հազիվ թե, քանի որ կարծես թե դրա հետ կապված խնդիր արտահանողները չեն բարձրաձայնում, եւ խոսքը միայն անցակետի աշխատանքային քիչ ժամերի հետեւանքով կուտակումների մասին է:
Վրաստանի տարածքով տարանցման որեւէ այլ խնդրի մասին մինչ այժմ չի եղել որեւէ մտահոգություն եւ ահազանգ:Ռուս-վրացական տիրույթում կարող են լինել բազում խնդիրներ, միայն թե այդ պարագայում անհասկանալի կլինի, թե ինչու է Վրաստանը պատժում Հայաստանին:
Որովհետեւ փաստացի դա պատիժ է Հայաստանի հանդեպ: Հազիվ թե Ռուսաստանն առանձնապես մեծ անհանգստություն ունենա Հայաստանից բեռների դանդաղ ընթացքով: Վերջին հաշվով, դրանց ծավալը ռուսական շուկայի համար չունի այնպիսի նշանակություն, որ էապես ազդեր ընդհանուր իրավիճակի վրա:
1
2
3
4
5
1
2
3
5
1
2
3
4
5
