Թրամփ. Մենք հավատում ենք ուժի միջոցով խաղաղության հաստատմանը, եւ մենք այն կստանանք

Մենք հավատում ենք ուժի միջոցով խաղաղության հաստատմանը, եւ մենք այն կստանանք: Այս մասին հայտարարել է ԱՄՆ նախագահ Դոնալդ Թրամփը՝ ելույթ ունենալով պահպանողականների համաժողովում:

Նրա խոսքով՝ բանակի եւ զինվորականների ֆինանսավորման համար ահռելի բյուջե կհատկացվի: «Մենք մտադիր ենք բանակն արդիականացնել: Այն ավելի, քան երբեւէ,  մեծ, լավ եւ ուժեղ դարձնել: Հույս ունենք, որ երբեք ստիպված չենք լինի այն օգտագործել, բայց ոչ մեկը չի համարձակվի մեզ հետ գործ ունենալ: Ոչ մեկը: Այն կդառնա Ամերիկայի պատմության մեջ մեծագույն բանակներից մեկը: Ոչ մեկը չի համարձակվի մեզ հարցեր տալ՝ ինչպես եղել է մինչ այս»,- նշել է Թրամփը:

«Մենք հավատում ենք ուժի միջոցով խաղաղության հաստատմանը, եւ մենք այն կստանանք: Ես խոստացել եմ վերականգնել ԱՄՆ-ի ժողովրդի անվտանգությունը, ես զինվորականներին հանձնարարել եմ «Իսլամական պետությանը» լիովին ջախջախելու ծրագիր մշակել: Մեր դաշնակիցների հետ մենք կկարողանանք երկրի երեսից ջնջել այդ չարիքը»,- ասել է նա: