Թրամփը Թրյուդոյին վստահեցրել է Կանադայի հետ համագործակցությանն ԱՄՆ-ի հավատարմությունը
Header
ԱՄՆ նախագահ Դոնալդ Թրամփը Կանադայի վարչապետ Ջասթին Թրյուդոյին վստահեցրել է երկկողմ հարաբերություններին Վաշինգտոնի հավատարմությունը: Այս մասին հաղորդում է «Ամերիկայի ձայնը»:
«Նախագահ Թրամփն ընդգծել է սահմանահատման հարցում համագործակցության կարեւորությունը, մասնավորապես, օտար պետությունների քաղաքացիների ահաբեկչական հարձակումներից ԱՄՆ-ին պաշտպանելու մասին իր հրամանների կատարումը: Առաջնորդները պայմանավորվել են զարգացնել գործընկերային հարաբերությունները՝ փետրվարի 13-ին կայացած իրենց հանդիպման լույսի ներքո»,- ասված է Սպիտակ տան հաղորդագրությունում:
Հիշեցնենք, որ միգրացիայի հարցերից բացի՝ Վաշինգտոնում Թրամփի եւ Թրյուդոյի հանդիպման գլխավոր թեմաներից է եղել առեւտուրը: Նախագահ Թրամփը հստակ հասկացրել է, որ ուզում է փոփոխել կամ չեղարկել 1994 թվականին ԱՄՆ-ի, Կանադայի եւ Մեքսիկայի միջեւ կնքված Ազատ առեւտրի մասին Հյուսիսաամերիկյան համաձայնագիրը:
Կանադան կախված է ամերիկյան շուկայից, որին բաժին է հասնում իր արտահանման 75%-ը: Վաշինգտոնի համար այդ հարաբերությունները նույնպես կարեւոր են. ամերիկյան արտահանան 18%-ը բաժին է ընկնում Կանադային:
1
2
3
4
5
1
2
5
