12 միջոց երազանքի գանգուրներ ստանալու համար

Գանգուրներն ամենահարմար սանրվածքն է, որը տեղին է ցանկացած միջոցառման ժամանակ: ELLE-ը ներկայացրել է 12 հեշտ միջոց հաշված րոպեների ընթացքում գանգուրներ ստանալու համար:

1. Լվացեք գլուխը գանգուր մազերի համար նախատեսված շամպունով, չորացրեք սրբիչով, քսեք ջերմապաշտպանիչ շիճուկ և լավ չորացրեք վարսահարդարիչով: Պետք չէ մազերը գանգրացնել թաց վիճակում, քանի որ դա բացասաբար կանդրադառնա արտաքին տեսքի և վիճակի վրա:

2. Որպեսզի գանգուրներն ավելի արտահայտիչ ստացվեն, պետք է բաժանել մազերը բարակ փնջերի, յուրաքանչյուրը պինդ կապել, իսկ հետո նոր փաթաթել հատուկ սարքով:

3. Մազեր գանգրացնելու ամենաարագ տարբերակը՝ հավաքեք մազերը ոչ շատ պինդ պոչով, բաժանեք փնջերի և փաթաթեք հատուկ դրա համար նախատեսված սարքով: Թույլ տվեք մազերը սառչեն և արձակեք: Գլուխն առաջ բերեք, մազերը ձեռքերով անջատեք իրարից և հատուկ լաքով ամրացրեք ձևը:

4. beach waves-ի ստեղծման համար կպահանջվի հատուկ շիճուկ, որը քսում են թաց մազերին: Պետք է մազերը վարսահարդարիչով չորացնել, հետո դեռևս տաք մազերը կապել, որպեսզի բնական տեսք ունենան, և թափահարել գլուխը տարբեր կողմեր:

5.Եվս մեկ նորաձև սանրվածք է ուղիղ ծայրերով գանգուրները: Նման սանրվածք ստանալու համար պետք է փաթաթել մազերը, բայց ծայրերը ազատ թողնել: Կարող եք մազերի ծայրերը բռնել ձեռքերով:

6. Ցավոք, նույնիսկ ամենաշքեղ գանգուրները կարող են մինչև օրվա վերջը քանդվել: Սանրվածքը պահպանելու համար պետք է մազերի վրա լաք քսել, նախքան սանրվածքի փաթաթելը հենց մազերի արմատներից:

7. Սթայլերով շատ մեծ մազափնջեր մի վերցրեք, քանի որ դա կդժվարացնի մազերի գանգրացումը, իսկ նման մազերն արագ կկորցնեն ձևը:

8. Մյուս տարբերակը՝ պտտեք մազերը սթայլերով, զգույշ հանեք այն, փաթաթեք մազափունջն ու ամրացրեք արմատներին մազակալով: Թողեք այդ վիճակում 10-15 րոպե, որպեսզի սառչեն, որից հետո հանեք մազակալները և սկսեք սանրվածքի իրականացումը:

9. Ալիքներ հնարավոր է ստանալ նաև մազերի արդուկի օգնությամբ: Պետք է բաժանել մազերը մի քանի փնջի, փաթաթել արդուկի վրա և ձգել դեպի ներքև՝ պտտելով իր առանցքի շուրջ:

10. Եթե ձեր մազերը կարճ են, տվեք մազերին հավելյալ ծավալ գանգուրների օգնությամբ: Կիսեք մազերը հորիզոնական ուղղությամբ 2 մասի՝ սկզբում ներքևի հատվածը, հետո՝ վերևի: Հետո իջեցրեք գլուխը, առաջ բերեք մազերը և ֆիքսեք լաքով:

11. Մի մոռացեք, որ դեմքին արված գանգուրները տեսականորեն երկարացնում են այն: Եթե ուզում եք, որ ձեր դեմքն ավելի կլոր երևա, ապա պետք է փոխել սանրվածքի ուղղությունը:

12. Եվ ևս մեկ ոսկե օրենք. բնական և փափուկ գանգուրների համար սթայլերը պետք է պահել հատակի ուղղվածությամբ, իսկ եթե ավելի խոշոր գանգուրներ եք ուզում, ապա հորիզոնական:

Աղբյուրը՝ BlogNews.am